Вы тут

Навальнічны фронт нарабіў бед


Паводле аператыўных даных, з прычыны праходжання навальнічнага фронту з парывамі ветру (большымі за 25 м/с) 17 жніўня пацярпеў 31 населены пункт у Брэсцкай, Віцебскай, Гродзенскай, Мінскай і Магілёўскай абласцях, а таксама Мінск, паведамляе МНС.


Фота: МНС.

У выніку на тэрыторыі Мінскай вобласці адбыліся падзенні дрэў. Ратавальнікі больш за 30 разоў выязджалі на распілоўку дрэў у Вілейскім, Клецкім, Крупскім, Мінскім, Пухавіцкім, Уздзенскім, Маладзечанскім, Капыльскім, Валожынскім, Дзяржынскім раёнах. У Мінскім раёне ў выніку падзення дрэва пацярпеў пенсіянер. Мужчыне аказалі дапамогу мясцовыя жыхары, ён быў дастаўлены ў бальніцу.

У гэты дзень былі пашкоджаны дахі 32 жылых дамоў, 23 сельскагаспадарчыя будынкі ў Вілейскім, Крупскім, Уздзенскім, Маладзечанскім, Капыльскім, Дзяржынскім і Мінскім раёнах.

Стыхія закранула і Віцебшчыну: Чашніцкі, Гарадоцкі, Віцебскі, Бешанковіцкі раёны, а таксама абласны цэнтр. Ратавальнікамі і іншымі службамі праводзіліся аднаўленчыя работы.

Пашкоджаны дахі 22 шматкватэрных і прыватных жылых дамоў, 15 аб'ектаў сельскагаспадарчага прызначэння, аднаго вытворчага памяшкання. Зафіксаваныя 160 выпадкаў падзенняў дрэў, пашкоджаны 21 легкавы аўтамабіль. Для ліквідацыі наступстваў непагадзі прыцягнута 18 адзінак аварыйна-выратавальнай тэхнікі і больш за 60 чалавек асабовага складу падраздзяленняў МНС вобласці.

Па даных «Віцебскэнерга», былі зафіксаваны адключэнні электразабеспячэння ў 511 населеных пунктах вобласці.

У Новалукомлі паваленым дрэвам прыціснула мясцовую жыхарку. Яна была дастаўлена ў бальніцу. Цяпер яе здароўю нічога не пагражае.

У Віцебскім раёне былі часткова пашкоджаны дахі птушнікаў і складскіх будынкаў Віцебскай бройлернай птушкафабрыкі.

У Мінску былі зафіксаваныя інтэнсіўнае выпадзенне ападкаў у выглядзе дажджу (па горадзе выпала месцамі ад 10 да 20 мм) і моцны вецер парывамі да 15 м/с.

У выніку непагадзі адбылося частковае падтопліванне праезных частак і абмежаванне руху грамадскага транспарту (тры аўтобусныя, 18 тралейбусных і пяць трамвайных маршрутаў).

Работнікі МНС выязджалі на аказанне дапамогі па распілоўцы дрэў, якія зваліліся (49 выпадкаў) на праезныя часткі і аўтамабілі (23 транспартныя сродкі пашкоджаны), у адным выпадку — па дэмантажы аварыйных лістоў бляхі з даху жылога дома.

З-за непагадзі адбылося падзенне двух білбордаў на скрыжаванні вуліц Глебкі і Матусевіча і на праспекце Дзяржынскага, а таксама адной дзіцячай пластыкавай гульнявой пляцоўкі на праспекце Пераможцаў.

Сяргей РАСОЛЬКА

Выбар рэдакцыі

Культура

Любоў Чаркашына: Мой стыль жыцця — не факусіравацца на дрэнным!

Любоў Чаркашына: Мой стыль жыцця — не факусіравацца на дрэнным!

Аб спорце, сакрэтах замужжа, выхаванні дзяцей, прыгажосці і здаровых звычках ў інтэрв’ю. 

Культура

Народны мастак Беларусі Леанід Шчамялёў: чалавек, паранены прыгажосцю

Народны мастак Беларусі Леанід Шчамялёў: чалавек, паранены прыгажосцю

Народны мастак можа быць прыкладам у тым, як ствараць свой лёс.

Грамадства

Каманда «Доктар Хаусс» з Магілёва стала чэмпіёнам Вышэйшай лігі КВЗ-2022

Каманда «Доктар Хаусс» з Магілёва стала чэмпіёнам Вышэйшай лігі КВЗ-2022

Інтэрв’ю з капітанам каманды «Доктар Хаусс» Паўлам Малахавым.​