Дзяржаўнае рэгуляванне цэн на сацыяльна значныя тавары падаўжаецца

І робіцца гэта да 31 снежня 2021 года ўключна, паведамілі ў Міністэрстве антыманапольнага рэгулявання і гандлю.

Гэтая мера прадугледжана пастановай Міністэрства антыманапольнага рэгулявання і гандлю ад 20 верасня 2021 года № 60.

Раней Міністэрствам ужо было падоўжанае цэнавае рэгуляванне, але толькі на 10 груп сацыяльна значных тавараў. У адпаведнасці з новай пастановай яно падаўжаецца яшчэ на 20 груп.

У пераліку рэгуляваных сацыяльна значных тавараў — рыба і кансервы з яе, мяса, каўбасныя вырабы, малако, тварог, сыр, хлеб, яйкі, соль, цукар, чай, кава, грачаная і пярловая крупы і іншыя прадукты.

Наталля ТАЛІВІНСКАЯ

Прэв’ю: pixabay.com