Прыняцце Прэзідэнтам Аляксандрам Лукашэнкам Дырэктывы нумар 9 аб развіцці двухбаковых адносін Беларусі і Кітая адбываецца ў вельмі важны гістарычны момант. Такі пункт гледжання выказаў БелТА Надзвычайны і Паўнамоцны Пасол Рэспублікі Беларусь у Кітайскай Народнай Рэспубліцы Юрый Сянько.
«Сёння супрацоўніцтва Рэспублікі Беларусь і Кітайскай Народнай Рэспублікі мае стратэгічны характар, што падмацоўваецца канкрэтнымі вынікамі супрацоўніцтва», — зазначыў дыпламат.
«Нашы краіны — шчырыя, „жалезныя“, як мы гаворым, браты, якія падтрымліваюць адна адну ў цяжкія часы. Дырэктыва нумар 9 — комплексны, глыбокі па свайму зместу дакумент, які распрацоўваўся даволі працяглы час з удзелам вялікай колькасці беларускіх органаў дзяржаўнага кіравання, суб’ектаў эканамічнай дзейнасці, вучоных і экспертаў. У ім сабраны канкрэтныя, прарыўныя напрамкі двухбаковага ўзаемадзеяння, якія, перакананы, вывядуць беларуска-кітайскія адносіны на якасна новы ўзровень», — выказаў меркаванне пасол.
Юрый Сянько адзначыў і такі важны момант: прыняцце дакумента адбылося напярэдадні 30-й гадавіны ўстанаўлення дыпламатычных адносін Беларусі і Кітая, якая будзе святкавацца 20 студзеня 2022 года. «За гэты невялікі, але насычаны рознымі падзеямі перыяд нашы адносіны вытрымалі ўсе выпрабаванні, заўсёды заставаліся дынамічнымі і рэзультатыўнымі. У іх аснове — шчырасць і дружба народаў дзвюх краін, поўнае супадзенне поглядаў па ўсіх пытаннях міжнароднага парадку дня», — рэзюмаваў кіраўнік дыпламатычнай місіі.
Прэв’ю: БелТА
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.
