Глыбінныя прычыны ціску на Беларусь звязаныя менавіта з ЗША. Аб гэтым Прэзідэнт Беларусі Аляксандр Лукашэнка заявіў у інтэрв’ю турэцкай тэлерадыёкампаніі TRT, паведамляе БелТА.
«Глыбінныя прычыны націску на Беларусь звязаны менавіта з ЗША. Я не буду пералічваць усе прычыны, пастараюся вам назваць галоўнае. Галоўная прычына — у тым, што мы аказаліся галоўным звяном націску ЗША і НАТА на Расію», — заявіў кіраўнік дзяржавы.
У сувязі з гэтым ён нагадаў пра леташнія падзеі ў Беларусі: «Паспрабавалі Беларусь зрабіць Украінай, як яны сёння ад нас патрабуюць. Мы ім задаём пытанне: чаго вы хочаце? — Мы хочам, каб Беларусь была, як Украіна. На што я адказаў: мы Украінай быць не хочам, наш народ гэтага не хоча, і ніколі не будзем. Таму летась нас паспрабавалі праз так званую каляровую рэвалюцыю і мяцеж ператварыць ва Украіну. Не атрымалася».
Паводле слоў Прэзідэнта, такім чынам за кошт Беларусі хочуць поўнасцю замкнуць балта-чарнаморскі пояс і стварыць блок з мяжой на ўсходзе каля Смаленска. «Для далейшага націску і, скажу прама, прасоўвання ў Расію», — заявіў беларускі лідар.
Аляксандр Лукашэнка адзначыў, што калі не ўдаліся спробы мецяжу і наскокам зламаць краіну, тады перайшлі да планамернага націску і гібрыднай вайны. «Сутнасць гэтай гібрыднай вайны ў тым, што ідзе ціск і нападкі на Беларусь па розных напрамках з рознай інтэнсіўнасцю. Гэта выяўляецца ў ціску праз сродкі масавай інфармацыі, па дыпламатычнай лініі, палітычнай. І зараз перайшлі да жорсткага ціску па эканамічных напрамках. Пяць пакетаў санкцый супраць Беларусі ўвялі амерыканцы і еўрапейцы», — расказаў кіраўнік дзяржавы.
«За гэты год было 10 спроб учынення тэрарыстычных актаў супраць людзей, прадпрыемстваў і ваенных аб’ектаў з боку нашых збеглых, якія сёння знаходзяцца пад дахам Польшчы, Літвы і Украіны», — заявіў кіраўнік дзяржавы.
«Відаць, у кагосьці ў Польшчы сярод ініцыятараў гэтай сцяны скончыліся грошы. Таму яны за кошт гэтага праекта хочуць папоўніць свае кашалькі. Калі казаць пра сцяну, яна не будзе каштаваць ні 400, ні 500 мільёнаў долараў, як яны плануюць, яна будзе каштаваць каля $1 млрд», — сказаў кіраўнік дзяржавы.
Ён адзначыў, што на асобных участках беларуска-польскай мяжы ўжо пабудавалі такую сцяну, але гэта не садзейнічае стрымліванню бежанцаў: «Як прызнаюць спецслужбы Польшчы, больш за ўсё бежанцаў пранікла на тых участках, дзе пабудавана гэта сцяна. Усяго каля 25 тыс. чалавек. Таму ці ёсць сэнс у такім выпадку будаваць падобную сцяну?»
Аляксандр Лукашэнка нагадаў аб спробе пабудаваць у ЗША сцяну на граніцы з Мексікай. «Адзін Прэзідэнт будаваў, другі цяпер разбурае. Думаю, што можа атрымацца так і ў Польшчы, — лічыць беларускі лідар. — Мы не напружваемся наконт гэтага. Гэта іх праблема. Няхай будуюць. Нам горш не будзе. Але ў Польшчы вельмі нестабільная абстаноўка «І не факт, што гэты ўрад утрымаецца. І я ўпэўнены, што прыйдуць больш разумныя, гаспадарчыя людзі і знойдуць, куды патраціць гэты мільярд долараў».
Кіраўнік дзяржавы прывёў у прыклад і гісторыю разбурэння Берлінскай сцяны. «Гэта была перамога еўрапейскай дэмакратыі. Усе крычалі: няма раздзяляльным палосам і сценам на межах! Цяпер што, яны хочуць Еўрасаюз абгарадзіць сцяной пяць з паловай метраў? Неяк з ідэалогіяй і дэмакратыяй не вяжацца. Дурная, бязглуздая задумка», — рэзюмаваў Прэзідэнт.
Фота: БелТА
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.
