Сёння Віцебскі абласны камітэт БРСМ запускае медыяпраект «PRO_Закон»

Ён накіраваны на вывучэнне моладдзю праекта змяненняў і дапаўненняў Канстытуцыі Рэспублікі Беларусь.

«Сёння ў нас ёсць магчымасць не толькі абмеркаваць ужо ўключаныя ў праект змяненні, але і прапанаваць свае. Кожны грамадзянін павінен разумець важнасць маючай адбыцца падзеі, якая вызначыць нашу будучыню. Дзякуючы медыяпраекту «PRO_Закон» мы даведаемся пра пункт гледжання моладзі аб праекце змяненняў і дапаўненняў Канстытуцыі Рэспублікі Беларусь, а таксама аб маючым адбыцца рэферэндуме — пракаментаваў першы сакратар Віцебскага абкама БРСМ Уладзімір Бабічаў.

Медыяпраект БРСМ «PRO_Закон» будзе рэалізаваны ў сацыяльных сетках «УКантакце», Instagram, а таксама месенджары Telegram. 

Нагадаем, што па ўсёй краіне рэалізуецца праект «Адкрыты дыялог «Сіла Асноўнага Закона». У студзені-лютым толькі ў Віцебскай вобласці запланавана больш за 400 маладзёжных дыялогавых пляцовак БРСМ.

Сяргей РАСОЛЬКА

Прэв’ю: pixabay.com