Люты — ад лацінскага «фебруарыс», што азначае «ачышчэнне». Ачышчэнне перад тым, як прырода зноў адродзіцца. Нягледзячы на тое, што моцных маразоў на працягу апошняга зімовага месяца не чакаецца, да сапраўднай цёплай вясны яшчэ далёка. Дзмітрый Рабаў распавёў пра тое, які сцэнарый надвор’я больш верагодны для надыходзячага лютага.
Па папярэдніх прагнозах сусветных прагнастычных цэнтраў сярэдняя месячная тэмпература паветра чакаецца на 1 градус вышэй за норму ў першай палове месяца і на 1,5 градусы ў другой. Люты па сваім тэмпературным рэжыме падобны на студзень і адрозніваецца ўсяго на 0,2 градуса. Норма ад мінус 2 градусаў па паўднёвым захадзе да мінус 6 па паўночным усходзе краіны. На працягу месяца адзначаецца ў сярэднім ад 10 да 17 дзён з адлігай. Месячная колькасць ападкаў прагназуецца вышэй за кліматычную норму: у сярэднім нас чакае ад 15 да 20 такіх дзён. На працягу лютага снежнае покрыва звычайна павялічваецца, і ў канцы месяца яго сярэдняя вышыня дасягае ад 7 см у паўднёвых рэгіёнах да 26 у паўночных. Не абыдзецца без шэрані і завірухі.
Дарэчы, працягласць светлага часу сутак ў лютым узрастае ўжо да дзвюх гадзін. А разам з гэтым павялічваецца і паўтаральнасць яснага неба. Калі на працягу студзеня сонца звычайна свеціць каля 40 гадзін, то ў лютым больш за 70. Такім чынам, якім бы ні было надвор’е, сама прырода дапамагае нам паступова настройвацца на вясну.
Кацярына ТУМАС-ЦІШКЕВІЧ
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
