Каментарый Старшыні Палаты прадстаўнікоў Нацыянальнага сходу Уладзіміра Андрэйчанкі з нагоды гадавіны Хатынскай трагедыі
У свядомасці людзей Хатынь стала сімвалам генацыду мірнага насельніцтва, вечным напамінам аб жахах вайны і зверствах фашызму. На жаль, сучасная Еўропа лічыць за лепшае выключыць з гісторыі нязручныя для сябе старонкі.
Адраджэнне нацызму, яго прынцыпаў і сімвалаў — элемент сённяшняй палітыкі. Нелюдзей і катаў называюць калабарацыяністамі, а ў асобных краінах прыраўноўваюць да ветэранаў вайны і ўзводзяць у ранг нацыянальных герояў — змагароў за незалежнасць. Гэта вынік шматгадовай кампаніі аб’яднанага Захаду па перапісванні гісторыі, трансфармацыі грамадскай свядомасці, рэалізацыі палітыкі двайных стандартаў. Эканамічныя і фінансавыя санкцыі, інфармацыйны і псіхалагічны ціск, выключэнне з міжнародных арганізацый і недапушчэнне да ўдзелу ў спартыўных спаборніцтвах — сучасныя сродкі пашырэння жыццёвай прасторы.
Беларусь, якая страціла кожнага трэцяга ў гады Вялікай Айчыннай вайны, нікому не дазволіць размаўляць з ёй з пазіцыі сілы. Мы ўмеем сябраваць, здольныя дараваць, але заўсёды гатовы абараняць родную зямлю, свае ідэалы, памяць продкаў, па якіх 79 гадоў звоняць званы Хатыні.
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».