У 22.46 ратавальнікам паступіла паведамленне аб пажары на вуліцы Меліяратараў у Беразіне.
Падраздзяленні МНС знайшлі загаранне ў кватэры на першым паверсе чатырохкватэрнага дома. Да прыбыцця ратавальнікаў з кватэры насельніцтвам быў выратаваны гаспадар. Мужчына не пацярпеў.
Калі ратавальнікі пад’язджалі да месца выкліку, убачылі ў акне кватэры на першым паверсе агонь, паведамляе падрабязнасці здарэння МНС. Ад гаспадара кватэры, якога вывелі на вуліцу відавочцы, даведаліся, што ўнутры знаходзіцца яго знаёмы. Ратавальнікі ўвайшлі ўнутр, дзе ў падпаленым пакоі знайшлі і вынеслі на вуліцу мужчыну. Выратаванага перадалі брыгадзе хуткай медыцынскай дапамогі. Другое аддзяленне тым часам падало ствол на тушэнне.
Брыгадай хуткай медыцынскай дапамогі знаёмы гаспадара з апёкамі дастаўлены ў раённую бальніцу.
Прычына пажару высвятляецца. Версія, якая разглядаецца, — неасцярожнае абыходжанне з агнём пры курэнні.
У выніку здарэння пашкоджана маёмасць на плошчы восем квадратных метраў, закураны сцены і столь у пакоі.
Сяргей РАСОЛЬКА
Прэв’ю: pixabay.com
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?