Узброеныя Сілы Беларусі — гэта перш за ўсё інструмент недапушчэння вайны. Аб гэтым заявіў журналістам міністр абароны Віктар Хрэнін пасля нарады ў кіраўніка дзяржавы па пытаннях забеспячэння ваеннай бяспекі, паведамляе БелТА.
«Мы нікому не пагражаем. Мы хочам жыць на сваёй зямлі, развівацца самі. Быць незалежнымі, самастойнымі. Узброеныя Сілы ў нас не з’яўляюцца інструментам вядзення вайны. Гэта інструмент недапушчэння вайны перш за ўсё», — падкрэсліў Віктар Хрэнін.
Міністр абароны таксама адзначыў, што ў Беларусі сочаць за развіццём узброеных сіл у краінах НАТА. Паколькі і там з’яўляюцца новыя тэхналогіі, узбраенне. «Зыходзячы з гэтага, мы прадумваем і прагназуем магчымыя рызыкі, выклікі і пагрозы для нас, выпрацоўваем адэкватныя меры процідзеяння», — дадаў ён.
Прэв’ю: БелТА
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?
