Дарагія суайчыннікі!
Віншую вас са знамянальнай датай — 1030-годдзем заснавання Полацкай епархіі, першай на тэрыторыі сучаснай Беларусі.
Гэта падзея стала пачаткам слаўнага летапісу праваслаўя на роднай зямлі, азначыла культурны і светапоглядны выбар нашых далёкіх продкаў.
Прайшоўшы шматвяковы шлях эпахальных выпрабаванняў і здзяйсненняў, Праваслаўная Царква і яе святыя падзвіжнікі пакінулі нам прыклады духоўных подзвігаў у імя веры, міру і захавання хрысціянскіх каштоўнасцяў. Гэта спадчына і сёння з'яўляецца маральным арыенцірам для вернікаў, фундаментальнай часткай нашай гістарычнай памяці, аб'ядноўвае беларусаў з брацкімі славянскімі народамі.
Перакананы, што высокі аўтарытэт, мудрая і сацыяльна адказная дзейнасць Беларускай Праваслаўнай Царквы заўсёды будуць служыць захаванню пераемнасці спрадвечных традыцый, умацаванню нацыянальнага адзінства і міжканфесіянальнай згоды на карысць народа і ў імя міру на святой беларускай зямлі.
Жадаю ўсім моцнага здароўя і дапамогі Божай ва ўсіх добрых справах.
Прэзідэнт Рэспублікі Беларусь Аляксандр Лукашэнка
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?
