Надвор'е: У апошні тыдзень лета мы адпачнем ад спёкі

У Беларусі ў пачатку наступнага тыдня пахаладае, паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.

«Па перыферыі шырокага антыцыклону на тэрыторыю нашай краіны працягваюць паступаць вельмі цёплыя паветраныя масы трапічнага паходжання. Сярэдні тэмпературны фон па краіне на 4-10 градусаў перавышае кліматычную норму месяца, а антыцыкланальны характар надвор'я прывёў да недабору ападкаў. У цэлым па краіне за мінулы перыяд ад 4 % да 50 % месячнай нормы ападкаў, і толькі па крайнім паўднёвым захадзе ліўневыя дажджы ў пачатку месяца крыху перавыканалі месячны план, гарачае надвор'е захаваецца ў Беларусі да канца тыдня, пры гэтым у пятніцу ў асобных раёнах па паўночным захадзе, у нядзелю месцамі па паўднёвым усходзе ёсць верагоднасць кароткачасовых навальнічных дажджоў», — распавялі ў Белгідрамеце.

У пятніцу, 26 жніўня, будзе пераважна без ападкаў, толькі па паўночным захадзе краіны месцамі чакаюцца невялікія кароткачасовыя дажджы, навальніцы. Тэмпература паветра ўначы складзе плюс 14-20, месцамі 10-13 градусаў цяпла. Днём будзе плюс 27-32, у паўднёвых раёнах да плюс 33-34 градусаў.

У суботу, 27 жніўня, прагназуецца пераважна без ападкаў. Тэмпература паветра ноччу будзе 13-19 градусаў цяпла. Днём паветра прагрэецца да плюс 27-33.

У нядзелю, 28 жніўня, чакаецца пераважна без ападкаў, толькі ў асобных раёнах па паўднёвым усходзе краіны пройдуць кароткачасовыя дажджы, магчымыя навальніцы. Тэмпература ўначы складзе 12-19 градусаў цяпла. Днём будзе плюс 24-30, месцамі да плюс 32 градусаў.

У панядзелак, 29 жніўня, у большасці раёнаў краіны яшчэ захаваецца цёплае надвор'е. Разам з тым, пры лакальным развіцці кучава-дажджавой воблачнасці вялікая верагоднасць летніх навальнічных дажджоў. Тэмпература паветра ўначы складзе 12-19 градусаў цяпла. Сёння будзе плюс 24-31, у заходніх раёнах краіны пры больш шчыльнай воблачнасці месцамі тэмпература паветра не перавысіць плюс 20-23.

Па папярэднім прагнозе, у аўторак характар надвор'я зменіцца. Чакаецца паніжэнне тэмпературнага фону.

У аўторак, 30 жніўня, з Заходняй Еўропы чакаецца перамяшчэнне сістэмы франтальных раздзелаў, услед за якой пачнуць распаўсюджвацца больш прахалодныя паветраныя масы. Уначы месцамі, днём на большай частцы тэрыторыі краіны пройдуць кароткачасовыя дажджы. У асобных раёнах прагрымяць навальніцы. Тэмпература паветра ноччу будзе плюс 10-17. Днём паветра прагрэецца да плюс 18-25, у паўднёва-ўсходніх раёнах да плюс 26-27, па поўначы месцамі чакаецца 15-17 градусаў цяпла.

У сераду, 31 жніўня, стане яшчэ больш прахалодна. На тэрыторыю Беларусі пачнуць паступаць халодныя і няўстойлівыя паветраныя масы з поўначы Еўропы. Пераважна па паўночнай частцы краіны прагназуюцца кароткачасовыя дажджы. Днём у асобных раёнах магчымыя навальніцы. Тэмпература паветра ўначы складзе 7-14 градусаў цяпла. Днём яна будзе вагацца ад плюс 12 па паўночным усходзе да плюс 22 градусаў па поўдні.