Пытанні супрацоўніцтва ў галіне падрыхтоўкі кадраў для атамнай энергетыкі і абмену вопытам інструктарскага персаналу абмеркавалі прадстаўнікі Дзяржкарпарацыі «Расатам» з беларускімі энергетыкамі. Па выніках сустрэчы было вырашана сфарміраваць сумесную беларуска-расійскую групу для рэалізацыі намечаных задач.
Пачынаючы з 2018 года расіяне шчыльна супрацоўнічаюць з беларусамі ў сферы падрыхтоўкі персаналу Беларускай АЭС. За гэты час было падрыхтвана больш за 800 спецыялістаў па ключавых напрамках эксплуатацыі атамнай станцыі.
— Сучасная і якасная падрыхтоўка нацыянальных кадраў, а таксама фарміраванне стратэгіі развіцця кадравага патэнцыялу атамнай энергетыкі — адно з ключавых пытанняў бяспечнай работы атамнай станцыі, — падкрэсліў Міхаіл Міхадзюк, намеснік міністра энергетыкі Беларусі. — У гэтай сувязі расійскі вопыт для нас вельмі значны.
Абмяркоўваючы накірункі далейшага супрацоўніцтва, беларусы прапанавалі стварыць сістэму падрыхтоўкі кадраў Беларускай АЭС на базе вучэбна-трэніровачнага цэнтра БелАЭС, дзе ёсць поўнамаштабны трэнажор цэнтральнага пульта кіравання і кабінеты падрыхтоўкі аператыўнага персаналу з лакальнымі трэнажорамі розных сістэм.
— Для фарміравання збалансаванай сістэмы і праграм падрыхтоўкі аператыўнага персаналу і кіруючых пасад мэтазгодна папярэдне прааналізаваць магчымасці і дакументацыю станцыіз мэтай выпрацоўкі рэкамендацый, — падтрымаў ідэю беларусаў дырэктар дэпартамента падрыхтоўкі персаналу канцэрну «Расэнергаатам» Рыгор Хахулін. — Неабходна правесці партнёрскі аудыт, па выніках якога вызначыць першачарговыя крокі і падыходы да далейшай работы па фарміраванню сістэмнага падыходу да навучання.
Расіяне азнаёмілі беларускі бок з экасістэмай развіцця кадравага патэнцыялу расійскай атамнай галіны, філасофія якой у тым, што таленавіты чалавек сам захоча прыйсці ў сістэму, дзе зможа раскрыць свае таленты.
— У Расатаме дзейнічае комплексны падыход на ўсіх этапах: ад ранняй прафарыентацыі школьнікаў і падрыхтоўкі кадраў у каледжах і універсітэтах да бесперапыннага развіцця дзеючых супрацоўнікаў і работы з суперпрафесіяналамі пенсійнага ўзросту, — адзначыла Юлія Ужакіна, генеральны дырэктар Карпаратыўнай акадэміі (Расія).
Для навучання лідараў Расатама рэалізуецца маштабная комплексная праграма развіцця кіраўніцкага кадравага рэзерву. У яе ўбудаваны модулі, прысвечаныя стратэгічнаму мысленню, макретынгу, лідарству, упраўленню камандамі і зменамі.
Ірына СІДАРОК
Фота прадастаўлена дэпартаментам камунікацый Дзяржкарпарацыі «Расатам»
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.