7 лістапада супрацоўнікі беларускіх СМІ і прадстаўнікі блогер-супольнасці змаглі адзначыць гэты дзень так, як не адзначалі яшчэ ніколі. На беразе ракі Вяча, што ў Лагойскім раёне, адбыўся першы чэмпіянат па колцы дроў сярод журналістаў. Ідэйным натхняльнікам гэтага мерапрыемства стаў сам Прэзідэнт нашай краіны. Відэа, на якім Аляксандр Лукашэнка з памочнікам спрытна коле дровы і разважае пра тое, што беларусы гатовы імі падзяліцца з суседзямі, якія з-за ўласнай неразумнай санкцыйнай палітыкі маюць усе шанцы замерзнуць зімой, за некалькі гадзін стала надзвычай папулярным на прасторах інтэрнэту. Не толькі па колькасці праглядаў: многія беларусы падхапілі ідэю Прэзідэнта — у сеціве з’явіліся шматлікія відэа з тыя, як людзі колюць дровы, пад хэштэтам, які заклікаў сагрэць кіраўніка суседняй краіны...
«Потым чэленджы падхапілі журналісты нашага прэзідэнцкага пула. Усё нараджалася само сабой, і гэта самае галоўнае. Без перабольшання і без пафасу скажу: гэта беспрэцэдэнтны выпадак, мне здаецца, у сусветнай практыцы», — расказала гісторыю ўзнікнення падобнага роду спаборніцтва прэс-сакратар Прэзідэнта Наталля Эйсмант перад пачаткам чэмпіянату.
Яго ўдзельнікаў і гасцей чакаў прыемны сюрпрыз — на спаборніцтвы прыехаў сам кіраўнік Беларусі. Аляксандр Лукашэнка правёў майстар-клас, уласнаручна паказаўшы і патлумачыўшы, як правільна і хутка справіцца з пастаўленымі ўмовамі конкурсу задачамі. Па традыцыі ўзгадаў ён і пра жыхароў суседніх краін, дзе зараз часам не ўсё проста з энергарэсурсамі. «Латышоў, літоўцаў і палякаў — да нас, няхай сякуць на дровы самі», — сказаў беларускі лідар. «Часы няпростыя. Трэба дапамагчы нашым людзям за межамі нашай краіны. Там нават людзі не могуць дровы купіць, а мы тут забаўляемся, жартам колем гэтыя дровы. Дай бог, каб не прапалі. Мы можам арганізаваць і падвесці да мяжы гэтыя дровы. Няхай. літоўцы, латышы і палякі, украінцы ведаюць, што мы людзі мірныя, мы не хочам ніякай вайны. Мы гатовы разам паліць печку, смажыць шашлыкі», — падкрэсліў Аляксандр Лукашэнка.
Кіраўнік дзяржавы падзякаваў арганізатарам спаборніцтваў і ўдзельнікам за гэта свята. «Я часта пра гэта кажу: любая дзяржава моцна сваімі традыцыямі. Можа быць, сённяшняя наша сустрэча на прыродзе з гэтымі самымі моцнымі, дужымі людзьмі (а гэта перш за ўсё вяскоўцы і леснікі, гэта самыя моцныя людзі) надасць нам добры настрой і здароўе на доўгія гады», — сказаў Аляксандр Лукашэнка.
Прэзідэнт паразмаўляў і з кіраўнікамі СМІ і журналістамі. У час нефармальнага дыялога на імправізаваных табурэтках, зробленых з драўляных калод, кіраўнік дзяржавы адказаў на шэраг надзённых пытанняў. Размова стала своеасаблівай выязной сустрэчай «Клуба рэдактараў».
Аляксандр Лукашэнка закрануў тэму Усебеларускага народнага сходу. Гэтаму органу, згодна з абноўленым Асноўным законам, нададзены канстытуцыйны статус, а нядаўна прайшло грамадскае абмеркаванне закона аб УНС.
Кіраўнік дзяржавы адрэагаваў на некаторыя размовы вакол гэтай тэмы — аж да таго, што гэта робіцца нібыта для ўтрымання ўлады. «Слухайце, не ўва мне справа. Сёння справа ў нашых дзецях. Трэба пакінуць ім нармальную краіну. Вось нават разам пакаленне наша, але мы павінны стварыць сістэму», — сказаў ён.
Прэзідэнт пры гэтым канстатаваў, што і цяперашняя сістэма ў краіне нядрэнная і рабочая. Як прыклад — рэакцыя на перакосы ў сферы цэнаўтварэння. «Як націснуў зверху — уся вертыкаль улады выстраілася. Ну так, нехта так, сяк, але выстраілася ж. І не толькі вертыкаль улады. І суб’екты гаспадарання: і дзяржаўнай, і прыватнай формы ўласнасці. Гэта дзеянні ўлады. Нармальныя. Але яна не можа быць пастаяннай, статычнай. Яна павінна ўдасканальвацца. І я гэта разумею. Не толькі таму, што бачу свет вакол. Я разумею, што нам трэба рухацца. Наогул народ павінен бачыць гэту дзвіжуху», — заявіў Аляксандр Лукашэнка.
Кіраўнік дзяржавы падкрэсліў, што ў тых ці іншых навацыях неабходна зыходзіць з таго, што цяпер можна зрабіць як у эканоміцы, так і ў палітыцы. Напрыклад, у Беларусі за гады незалежнасці адбылося шэсць Усебеларускіх народных сходаў — гэтых народных вечаў. «Чаму канстытуцыйным не зрабіць, чаму не ўзмацніць яго ролю, чаму не слухаць там, на гэтым форуме, людзей? Не на вуліцы, а лепш там. Рухаемся», — прывёў ён прыклад.
Той самы падыход і ў эканоміцы. «Можам кіраваць прадпрыемствамі — кіруем. Не можам — давайце думаць. Аж да прыватызацыі, продажу», — сказаў Аляксандр Лукашэнка.
Ён акцэнтаваў увагу, што ў краіне ствараюцца і дзяржаўныя прадпрыемствы, і, як паказвае практыка, зусім не заўсёды прыватнік будзе працаваць лепш і больш эфектыўна. Адзін з такіх прыкладаў — прадпрыемства ў Мёрах, у лёс якога прыйшлося ўмяшацца і кіраўніку дзяржавы: «Выдатна працуе прадпрыемства. Калі можа дзяржаўнае прадпрыемства працаваць — няхай працуе. Не трэба думаць, што прыватнае — гэта святое. Так, ёсць людзі, якія добра працуюць». «.
Аляксандр Лукашэнка таксама звярнуў увагу, што ў Беларусі, у тым ліку і для прыватнага бізнесу, значна прасцей атрымаць доступ да ўлады, каб абмеркаваць тыя ці іншыя праблемы, у адрозненне ад тых краін Заходняй Еўропы. «Прыём грамадзян — анахранізм Беларусі. Нідзе яго ніхто не вядзе. Але мы такім чынам чуем народ, людзей слухаем», — заўважыў кіраўнік дзяржавы.
Паразважаў Прэзідэнт і пра тое, што адбываецца ў нашых суседзяў па кантыненце. «Германія, уся Еўропа (гаворка пра Еўрасаюз. — Зв.) — там няма кіраўнікоў зараз. Калі б яны былі... Яны нават не могуць патушыць пажар ва ўласным доме, — сказаў беларускі лідар. — Еўрапейцы не хочуць гэтай вайны. Яны ж разумеюць, што сёння ва Украіне, тут Беларусь спрабуюць падпаліць. Успыхне заўтра ўся Еўропа».
Аляксандр Лукашэнка звярнуў увагу, што калі раптам выльецца новая сусветная вайна, то яна ж будзе праходзіць на тэрыторыі Амерыкі. «Амерыканцы адзінае баяцца ядзернай зброі, бо туды можа прыляцець. Не будзе прыменена ядзерная зброя, значыць, будуць звычайнай зброяй ваяваць. Дзе? У нас будуць ваяваць. Мы тут будзем у гэтым катле. Украіна ўжо палае. Найбагацейшая. Няма такой краіны, як была Украіна. У савецкія часы ўклалі столькі... А землі якія, прырода якая! У што ператварылі? Катастрофа», — адзначыў кіраўнік дзяржавы.
Аляксандр Лукашэнка лічыць, што эліты шэрагу краін у гэтай сітуацыі не імкнуцца спыніць канфлікт, а наадварот спрабуюць дадаткова развязаць вайну дзеля захавання ўласнай улады. «Вайна ўсё спіша», — растлумачыў ён логіку дзеянняў шэрагу палітыкаў.
«Еўрапейцам трэба ачомацца і спыніць вайну. А яны не могуць. Ім не даюць. Амерыканцы скарысталіся, — адзначыў Прэзідэнт. — Няўжо гэта лідары, якія дазволілі амерыканцам дадаткова завезці туды ядзерную зброю? Гэта вар’яты».
Паводле слоў Аляксандра Лукашэнкі, кіраўнікі ў ЕС поўнасцю залежныя ад ЗША. Больш за тое, у іх не хапае волі супрацьстаяць гэтаму ціску. Да гэтага дабаўляецца яшчэ і эканамічная залежнасць ад паставак тавараў на прэміяльны амерыканскі рынак, бізнес-інтарэсы. Тым не менш Прэзідэнт Беларусі ўпэўнены, што ідзі Еўрасаюз на партнёрскія адносіны з Расіяй, гэта была б вялікая сіла: «І ніхто б не перабіў. Рэсурсы — бяры не хачу, на тры пакаленні хопіць. Тэхналогіі — супертэхналогіі. Не горш, чым у Амерыцы. «Давайце рабіць! А рашэнне прымаць няма каму. Баяцца. Часовыя людзі (ва ўладзе. -Зв). Перасядзелі там тэрмін-два... А заўтра пойдзем на іншую працу».
Аляксандр Лукашэнка лічыць, што еўрапейцам трэба «галаву ў рукі браць і думаць, як жыць далей», бо вопыт у тым ліку рэвалюцыі 1917 года паказвае, да чаго можа прывесці ігнараванне меркавання большасці народа.
У Прэзідэнта спыталі, што трэба рабіць і як сябе паводзіць, каб Беларусь і ў далейшым заставалася своеасаблівым анклавам і ўзорам сацыяльна арыентаванай дзяржавы.
«Можна шмат пра гэта гаварыць. Але я заўсёды, размаўляючы з людзьмі, звяртаючыся да людзей, гавару: рабіце сваю справу. Вось самае галоўнае. Каб у нас ніколі не паўтарылася тое, што было ў 2020 годзе», — сказаў кіраўнік дзяржавы.
Ён падкрэсліў, што зараз менавіта журналісты знаходзяцца на пярэднім краі: «Таму што галоўнае ў гэтым супрацьстаянні — гэта інфармацыйная вайна, інфармацыйнае супрацьстаянне. Таму галоўнае — вы зараз». Аляксандр Лукашэнка адзначыў, што, вядома, цяпер няма гарачай вайны, але ад журналістаў шмат залежыць. «Вы на пярэднім краі. І я разам з вамі», — сказаў Прэзідэнт. «Таму не трэба нікога баяцца. Калі яны (апаненты. — Зв.) пачынаюць вас атакаваць, значыць, зачапілі. Калі яны пачынаюць на вас спасылацца, чагосьці казаць, добра, няхай спасылаюцца. У іх зараз трэнд такі: „Хлопцы, мы не фарміруем парадак дня, лукашэнкаўцы, ябацькі гэтыя што скажуць, а мы потым перапеўкамі займаемся“. Ну, гэта так. Яны і не могуць фарміраваць. Як могуць яны фарміраваць? Таму яны вось і пайшлі (з заклікамі. — Зв.): давайце ракетамі... Ну, гэта вар’яты. Калі б яны былі палітыкамі, гэта казаць нельга, нават калі ты ў вар’яцкім сне хочаш гэтага», — падкрэсліў беларускі лідар.
«Ну, хто сёння ў Беларусі за імі пойдзе? Яны сябе ўжо апусцілі ніжэй за плінтус. Нельга такія рэчы рабіць. Дзякуй богу, што яны такія. Я ж кажу, што нашу апазіцыю трэба песціць, гадаваць, паліваць, вадзічкі... Няхай яна будзе і далей такая», — з доляй гумару заўважыў кіраўнік дзяржавы.-
А чэмпіянат быў вельмі эмацыянальным і відовішчным. Яго ўдзельнікі ( у тым ліку і жанчыны) спаборнічалі, хто больш хутка і якасна расколе паленні. Мужчыны таксама перасякалі бервяно. А фінальнай кульмінацыяй была эстафета, падчас якой каманды павінны былі напілаваць дроў, пасекчы іх і распаліць вогнішча.
Галоўны прыз узяло агенцтва «Мінская праўда». Акрамя каштоўных падарункаў ад арганізатараў, журналісты «Мінскай праўды» атрымалі і спецыяльны падарунак ад Прэзідэнта — сякеру з фірмовай гравіроўкай.
Паводле БелТА
Фота: БелТА
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.