Для маладых людзей, якія сёлета прыйшлі працаваць на свае першыя працоўныя месцы, падрыхтавалі насычаную праграму па абмену вопытам прафесійнай дзейнасці, а таксама разнастайныя культурна-патрыятычныя мерапрыемствы.
Маладыя спецыялісты з усіх рэгіёнаў краіны пазнаёміліся з работай Гомельскага доследнага лясгасу. Цікавым для пачынаючых супрацоўнікаў стала неведванне гадавальніка прадпрыемства. Удзельнікі семінару-нарады таксама ацанілі праведзеную падрыхтоўчую работу супрацоўнікаў лясгасу да супрацьпажарнага рэагавання.
Між тым чарговым пунктам наведвання ўдзельнікаў рэспубліканскага семінару-нарады «Лес-моладзь-будучыня» стаў мемарыяльны комплекс «Партызанская крынічка» ў Гомельскім раёне. Кіраўніцтва лесагаспадарчай галіны краіны, рэспубліканскіх арганізацый і дзяржаўных вытворчых лесагаспадарчых аб’яднанняў рэгіёна, маладыя спецыялісты ўсклалі кветкі да мемарыяла і ўшанавалі памяць загінулых у гады вайны партызан. Удзельнікі патрыятычнага мерапрыемства заклалі таксама памятную алею на мемарыяльным комплексе «Партызанская крынічка».
Першы намеснік міністра лясной гаспадаркі Аляксандр Драгун прывітаў пачынаючых спецыялістаў лесагаспадарчай галіны з усёй краіны на сустрэчы з маладымі супрацоўнікамі ў Інстытуце лесу Нацыянальнай акадэміі навук Беларусі ў Гомелі.
«Рады, што сёння такая колькасць выпускнікоў прыходзяць працаваць у лясгасы. Гэта значыць, мы смела можам казаць, што наша галіна становіцца ўсё больш папулярнай сярод моладзі»: звярнуўся да маладых супрацоўнікаў першы намеснік міністра лясной гаспадаркі Аляксандр Драгун. Як было адзначана, сёлета галіну папоўнілі 483 маладыя спецыялісты. Для параўнання ў мінулым годзе статус маладога спецыяліста ў лясной гаспадарцы атрымаў 341 чалавек. У цэлым у галіне лясной гаспадаркі ў рэспубліцы сёння працуюць звыш 6150 супрацоўнікаў ва ўзросце да 31 года.
Падчас сустрэчы з пачынаючымі супрацоўнікамі сваім вопытам работы падзяліўся таксама запрошаны госць — ляснічы Любанскага лясгасу Мінскай вобласці Аляксандр Машчынскі. Супрацоўнік чатыры гады таму у якасці маладога спецыяліста таксама прымаў удзел у рэспубліканскім семінары-нарадзе для маладога папаўнення галіны, за гэты час прайшоў адметны працоўны шлях.
Наталля КАПРЫЛЕНКА
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
