У сталіцы на гэтым тыдні пачнуцца святочныя мерапрыемствы, прысвечаныя Новаму году і Калядам, паведамляе БелТА.
Урачыстае адкрыццё гарадской навагодняй дабрачыннай акцыі «Нашы дзеці» пройдзе ў Мінскім дзяржаўным палацы дзяцей і моладзі 15 снежня.
Тэматычныя мерапрыемствы да Новага года і Калядаў стартуюць у бібліятэках Мінска 12 снежня.
Дабрачынная акцыя «Цуды на Каляды» ў сацыяльна-педагагічных цэнтрах і ўстановах аховы здароўя Мінска, якую праводзіць Мінская гарадская арганізацыя БРСМ, працягнецца ў сталіцы ўвесь снежань і студзень.
Кірмаш «Калядны кірмаш!» пачне працу 17 снежня на пляцоўцы каля сталічнага Палаца спорту і працягнецца да 15 студзеня. Кірмаш на тэрыторыі Кастрычніцкай плошчы будзе працаваць з 17 снежня па 7 студзеня. Навагодні кірмаш на пляцоўцы па вул. Ракаўскай, 25 адкрыецца 20 снежня.
Гарадская акцыя «Добрыя паштоўкі» па віншаванні адзінокіх пажылых грамадзян і інвалідаў, якія атрымліваюць сацыяльныя паслугі ў тэрытарыяльных цэнтрах, з Новым годам і Калядамі стартуе 19 снежня. Адправіць віншавальную паштоўку адзінокім пажылым людзям і інвалідам можна будзе да 9 студзеня.
Гарадское навагодняе мерапрыемства «Баль у Палацы» для навучэнцаў Мінска, якія дабіліся асаблівых поспехаў у вучобе, творчасці і спорце, адбудзецца на базе Мінскага гарадскога Палаца дзяцей і моладзі 23 снежня.
На пляцоўцы каля Палаца спорту з 25 снежня па 7 студзеня будзе праходзіць інтэрактыўнае тэатралізаванае шоу «Казка ў моманце».
Інтэрактыўная забаўляльная праграма «Баль навагодніх пажаданняў» запланавана да правядзення на тэрыторыі Верхняга горада з 25 снежня па 2 студзеня.
У каталіцкія Каляды стартуюць лёгкаатлетычныя спаборніцтвы «Карнавальны прабег» у парку імя 900-годдзя Мінска і інтэрактыўная праграма «Шчодры вечар» на пляцоўцы каля Палаца спорту.
Дабрачыннае навагодняе тэатралізаванае прадстаўленне «Навагодняе падарожжа» адбудзецца 29 снежня ў Белдзяржцырку.
У тэатры юнага гледача 29 снежня пройдзе дабрачынная акцыя «У Новы год — з «Белай Руссю!» у рамках рэспубліканскай акцыі «Нашы дзеці».
Запланавана вялікая колькасць святочных мерапрыемстваў у дамах-інтэрнатах для дзяцей-інвалідаў, пенсіянераў і ветэранаў.
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.