Ён быў галоўным мастаком тэатра, на сцэне дагэтуль ідуць спектаклі з яго сцэнаграфіяй. Напрыклад, опера «Царская нявеста», якую давалі ўвечары, падмацавала ўражанне ад яго работ, што размясціліся ў фае. Такім чынам тэатр аддзячыў і ўзгадаў Аляксандра Касцючэнку, які мог бы 9 лютага святкаваць 65-годдзе...
У памяць пра яго сёння ўвечары адбудзецца паказ балета «Ганна Карэніна», над сцэнічным афармленнем якога ён таксама працаваў як мастак. Між іншым, гэта апошняя яго праца.
З творчасцю Аляксандра Касцючэнкі сустракаліся прыхільнікі розных беларускіх тэатраў — ён працаваў у Музычным тэатры, Тэатры імя Максіма Горкага, рабіў сцэнаграфію для спектакляў Купалаўскага тэатра ў Мінску і Коласаўскага ў Віцебску, супрацоўнічаў з Маладзёжным тэатрам.
Галоўным мастаком Вялікага тэатра Беларусі Касцючэнка стаў у 2009-м. А ў 2017-м яго праца над пастаноўкай оперы Дзмітрыя Смольскага «Сівая легенда» была адзначана Дзяржаўнай прэміяй Рэспублікі Беларусь.
Паколькі мастак у тэатры — частка вялікай каманды, якая працуе над пастаноўкай, то складана яго творчасць адасобіць, вылучыць у асобную лінію, бо ёсць творчая задача, прадугледжаная аўтарамі і рэжысёрам. Дарэчы, макет сцэны да оперы «Царская нявеста» створаны Аляксандрам Касцючэнкам, змешчаны на выставе дзеля таго, каб мы зразумелі, як паўстаюць спектаклі, над якімі задачамі працуюць мастакі. А лепш зразумець творцу якраз і дапамагае выстава яго жывапісных прац. Ён жа меў выдатную мастацкую адукацыю — скончыў славутую «Глебаўку», а пасля Тэатральна-мастацкі інстытут. Творчасць была таксама важнай часткай яго жыцця. Працы, што прадстаўлены на выставе, розныя па жанры (ад нацюрмортаў да твораў філасофскай тэматыкі), але іх аб’ядноўвае прага жыцця і святла.
Ларыса ЦІМОШЫК
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
