Як украінскі тэрарыст Швец рыхтаваўся да тэракту ў Мачулішчах

У эфіры тэлеканала АНТ раскрылі новыя падрабязнасці, як украінскі тэрарыст Мікалай Швец рыхтаваўся да тэракту ў Мачулішчах.

На практыцы Швец трэніраваўся некалькі разоў. Месцы пад палёты выбіралі розныя: поле, лес, ваенны палігон і аэрапорт Барыспаль.

А перад адпраўкай на заданне Швец сустрэўся з высокапастаўленым чалавекам з СБУ.

«Прыехалі, там запраўка была, стаялі, чакалі. Ну, вось ён прыйшоў, сеў на задняе сядзенне. Пачалі знаёміцца. Я яму распавёў коратка, адкуль я, дзе жыву цяпер, чым займаюся. Ён мне паспытаў пытанні псіхалагічныя ўсякія. Усе. Нядоўга было, толькі хвілін 10, Можа, 15», — распавёў Швец.

Затым у Швеца з’явіўся агентурны псеўданім — «Гаспар». Яго прыдумалі ў СБУ. Калі правяралі біяграфію агента, прымецілі, што той у Крыме жыў у пасёлку Гаспар, які вядомы сваім замкам «Ластаўчына гняздо». Так Швец стаў Гаспар.

Швец актыўна рыхтаваўся да дыверсіі, збіраў дрон, мацаваў на яго выбухоўку. Усё гэта адбывалася пад кіраўніцтвам СБУ праз відэасувязь смартфона. Яму казалі, як, што і куды падключаць.

Увесь гэты час ён жыве ў Чыжоўцы, у крамах купляў прадукты, тут жа мяняў валюту, а для фінансавага падсілкоўвання з-за мяжы адкрывае банкаўскі рахунак. Раней грошы яму перадавалі, цяпер закідваюць на карту. І ўвесь гэты час яго вядзе СБУ.

Спецслужбы Украіны створаць аператыўны штаб па эвакуацыі Швеца. Задзейнічаюць і Яўгена Смірнова, супрацоўніка СБУ, які раней працаваў у Данецкам і Чаркаскім упраўленнях. Смірноў патэлефануе ў Мінск свайму траюраднаму брату, таксісту, і папросіць павазіць Швеца — туды, куды той скажа. Але кіроўца не зможа, а калі даведаецца пра тэракт у Мачулішчах, адразу патэлефануе ў Кіеў.

Пасля гэтага СБУ сказала Гаспару купіць машыну з рук і без дакументаў. Ён выязджае на пробныя палёты. Але сігнал ад пульта да дрону слабы, патрэбен рэтранслятар для ўзмацнення. Рэтранслятар даставіць Міхаіл Дзёмін. Апошнія гады ён жыў ва Украіне, дзе і быў завербаваны. З заданнямі прыязджае ў Беларусь. Гэтым разам праз таксі-дастаўку ён перадае абсталяванне Гаспару. Той у будаўнічай краме на вуліцы Ванеева дакупляе неабходныя кампаненты — скотч, хамуты-сцяжкі, каб замацаваць узмацняльнік. СБУ прыспешвае з выкананнем дыверсіі. Частыя выезды на адно і тое ж месца могуць прыцягнуць увагу. Ды і шмат людзей задзейнічана — ці мала што.

За дзень да спробы падрыву на аэрадроме Мачулішчы да пагранпераходу «Брэст-Цярэспаль» пад’едзе аўтобус Варшава-Мінск. Сярод пасажыраў — Ала Яцута, грамадзянка Украіны. Для ўсіх яна едзе наведаць сваю сястру, але насамрэч — па заданні СБУ.

У Кіеве ўсё разлічылі і месца выбралі падыходнае. Ад Століна да ўкраінскай граніцы- дзесяць кіламетраў. Можна згубіцца ў палескіх лясах і нелегальна перайсці граніцу. Дапамагчы павінна Яцута. Тэракт запланаваны на 26 лютага.

Раніцай у нядзелю Гаспар едзе ў бок аэрадрома. Машыну пакіне на дарозе. Пешшу пройдзе праз лес, збярэ дроны, замацуе ўзмацняльнік на дрэве і ўзляціць. Усе дэталі палёту Швец адсочвае праз спецыяльныя акуляры. Гэта трэба, таму што ад месца старту дрон немагчыма кантраляваць, яго вачыма не відаць. А праз акуляры можна дэталёва разлічыць усю траекторыю палёту.

Па інструкцыі Гаспар праз смартфон запусціць загрузку відэа ў воблачнае сховішча, каб атрымальнікі ў Кіеве адразу ўсе бачылі. Дрон з выбухоўкай падлятае да самалёта, прымерваецца — вось крылы, вось радар — і апускаецца на фюзеляж. Далей карцінка абарвецца.

Як паведамлялася, раніцай 26 лютага грамадзянін Украіны Мікалай Швец 1993 года нараджэння, завербаваны агент СБУ, паспрабаваў падарваць расійскі самалёт на аэрадроме Мачулішчы. Для яго затрымання Камітэтам дзяржаўнай бяспекі ва ўзаемадзеянні з МУС, ДПК і іншымі праваахоўнымі органамі праведзена маштабная спецыяльная аперацыя.

У справе яшчэ каля 30 прозвішчаў — гэта людзі, якія дапамагалі і аказвалі садзейнічанне Швецу. Некаторыя рабілі гэта з-за мяжы, але большая частка дзейнічала ў Беларусі. Яны затрыманыя і даюць паказанні. Фактычна замежныя спецслужбы стварылі сетку з агентаў, якія дапамагалі ажыццявіць тэракт пад Мінскам.

Усім фігурантам крымінальнай справы прад’яўлена абвінавачванне па ч. 3 арт.289 (акт тэрарызму, здзейснены арганізаванай групай) Крымінальнага кодэкса Беларусі. Санкцыя дадзенага артыкула прадугледжвае пакаранне аж да смяротнага пакарання.