Гэтымі днямі адзначаецца юбілей класіка беларускай літаратуры Янкі Маўра. 140-годдзю пісьменніка прысвечаны шэраг праектаў на канале «Культура» Беларускага радыё.
Пра жыццё і творчасць аднаго з заснавальнікаў айчыннай дзіцячай літаратуры ў сам дзень яго нараджэння ішла гаворка ў перадачы «Дыялогі пра культуру», госцяй якой стала загадчыца навукова-асветніцкага аддзела Дзяржаўнага музея гісторыі беларускай літаратуры Валянціна Кароткіна. Яна распавяла аб адкрыцці кніжнай выставы ў гонар юбіляра і іншых мерапрыемствах, якія пройдуць ва ўстанове. Праслухаць можна на сайце «Культуры» ці ў сацыяльных сетках радыёстанцыі.
А ў праекце «Дзіцячы радыётэатр» 13 і 14 мая ў 10:05 прагучаць інсцэніраваныя творы «Лацароні», «Слёзы Тубі», а таксама казка Ханса Крысціяна Андэрсана «Новая світка караля» ў перакладзе на беларускую мову Янкі Маўра. У перадачы «Радыётэатр плюс» у выхадныя 13 і 14 мая ў 21:30 слухачы змогуць пазнаёміцца з радыёспектаклямі «Палескія рабінзоны» і «Сын вады» паводле аднайменных твораў пісьменніка-юбіляра.
«Янка Маўр — адзін з тых волатаў айчыннай літаратуры, якім па праву ганарыцца наша культура, — адзначыў намеснік дырэктара канала «Культура», загадчык аддзела музычных і літаратурна-мастацкіх праграм, заслужаны дзеяч культуры Рэспублікі Беларусь Навум Гальпяровіч. — І мы ў дні юбілею славутага пісьменніка пастараемся найбольш поўна пазнаёміць слухачоў з творчымі здабыткамі заснавальніка прыгодніцкага жанру ў беларускім прыгожым пісьменстве».
Алена ДРАПКО
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.