У пунктах правядзення цэнтралізаванага экзамену спакойная і рабочая сітуацыя. Пра гэта журналістам распавёў намеснік старшыні Камітэта дзяржаўнага кантролю Беларусі Андрэй Лабовіч, паведамляе БелТА.
Уступная кампанія 2023 года праходзіць у новых умовах — з’явіўся цэнтралізаваны экзамен. «Сёння ЦЭ праходзіць па ўсёй краіне. Камітэт дзяржкантролю ў адпаведнасці з Указам Прэзідэнта ажыццяўляе кантроль за правядзеннем кампаніі ў форме кантрольна-аналітычных мерапрыемстваў», — адзначыў Андрэй Лабовіч.
У пунктах здачы экзамену працуюць камісіі па кантролі за ходам правядзення ЦЭ, а спецыялісты КДК інспектуюць іх у форме выязных мерапрыемстваў. Створана 71 група, якая праводзіць такі кантроль. «У цэлым сітуацыя спакойная, рабочая. Для камітэта кантроль за ўступнай кампаніяй — гэта штогадовая функцыя, ёсць практыка працы», — сказаў ён.
Прэв’ю: БелТА
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».