Пасяджэнне Камісіі Парламенцкага сходу Саюза Беларусі і Расіі па энергетыцы і транспарце пройдзе 6 чэрвеня ў Наваполацку на тэрыторыі завода «Палімір», паведамляе БелТА са спасылкай на прэс-службу сходу.
«Дэпутаты разгледзяць саюзную праграму па фарміраванні аб’яднаных рынкаў нафты і нафтапрадуктаў», — адзначылі ў прэс-службе.
Акрамя таго, плануецца абмеркаванне прапаноў па стварэнні экспертнай групы для прапрацоўкі пытання аб функцыянаванні адзінага транспартнага рынку Саюзнай дзяржавы.
Да ўдзелу ў мерапрыемстве запрошаны прадстаўнікі Пастаяннага камітэта Саюзнай дзяржавы, Міністэрства энергетыкі Расіі, Міністэрства эканомікі Беларусі, Міністэрства эканамічнага развіцця РФ, Міністэрства транспарту і камунікацый Беларусі, Міністэрства транспарту РФ, ПАТ «Транснафта», канцэрна «Белнафтахім», Наваполацкага гарвыканкама.
Прэв’ю: БелТА
Сумесныя праекты ядзерных тэхналогій.
