Ваенна-патрыятычная гульня адбудзецца 7 чэрвеня на базе 103-й Віцебскай асобнай гвардзейскай паветрана-дэсантнай брыгады. Яе ўдзельнікамі стануць больш за 100 членаў Маладзёжных атрадаў аховы правапарадку і ўдзельнікаў ваенна-патрыятычных клубаў вобласці.
У спартыўна-прыкладным мнагаборстве ўдзельнікі паспаборнічаюць у кіданні гранаты, падцягванні на перакладзіне, узняцці тулава са становішча седзячы, а таксама ў бегу на дыстанцыі 1000 метраў. Ваенізаваная эстафета будзе ўключаць у сябе разборку, зборку аўтамата Калашнікава, аказанне першай даўрачэбнай дапамогі «пацярпеламу» і транспарціроўку «параненага». Таксама для ўдзельнікаў ваенна-патрыятычнай гульні прадугледжаны конкурс па страявой падрыхтоўцы і стральба з пнеўматычнай вінтоўкі.
З лістапада па май у Віцебску праходзіла адукацыйная праграма Маладзёжных атрадаў аховы правапарадку БРСМ. На абласной ваенна-патрыятычнай гульні «Зарніца. Паўночны рэгіён» кожны ўдзельнік праграмы атрымае сертыфікат.
Арганізатарамі гульні з’яўляюцца Віцебскі абласны камітэт БРСМ пры падтрымцы галоўнага ўпраўлення ідэалагічнай работы і па справах моладзі Віцебскага абласнога выканаўчага камітэта, галоўнага ўпраўлення па ахове здароўя аблвыканкама, 103-й Віцебскай асобнай гвардзейскай паветрана-дэсантнай брыгады, галоўнага ўпраўлення па адукацыі арганізацыйнай структуры ДТСААФ.
Сяргей РАСОЛЬКА
Прэв’ю: БелТА
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».