«Наперадзе яшчэ шмат адкрыццяў», — заявіў журналістам намеснік прэм’ер-міністра Ігар Петрышэнка, наведваючы археалагічны комплекс у вёсцы Гарадзішча Мінскага раёна, перадае БелТА.
Нагадаем, што па выніках наведвання комплексу 10 верасня 2022 года прэм’ер-міністр Раман Галоўчанка даручыў НАН сумесна з зацікаўленымі арганізацыямі пачаць маштабнае вывучэнне археалагічнага комплексу для вызначэння яго гісторыка-культурнай ролі ў ІХ-ХІ стагоддзях і значэння ў гісторыі Мінска і Беларусі.
З канца мая гэтага года на археалагічным комплексе ідуць маштабныя даследаванні гарадзішча і селішчаў. У раскопках сумесна з навукоўцамі Інстытута гісторыі НАН прымаюць удзел студэнты і валанцёры. «Студэнты з задавальненнем прыязджаюць сюды на практыку, прычым гэта прадстаўнікі не толькі сталічных ВНУ, але і рэгіянальных, дзе ёсць Гістарычныя факультэты: з Гродна, Брэста, Віцебска, Гомеля, Магілёва. Бачна, як у іх гараць вочы, ім прыемна адчуваць сябе першаадкрывальнікамі», — распавёў Ігар Петрышэнка.
Паводле яго слоў, для навучэнцаў створаны ўсе неабходныя ўмовы: арганізавана харчаванне, транспартнае абслугоўванне, а таксама пражыванне ў камфортным інтэрнаце. Ёсць магчымасць экскурсій не толькі па Мінску, але і па гістарычных мясцінах Мінскай вобласці.
«У верасні мінулага года, калі прэм’ер-міністр наведваў археалагічны комплекс, для азнаямлення былі прывезены пэўныя артэфакты са сховішчаў Нацыянальнай акадэміі навук. Але за кароткі перыяд тут ужо знойдзена шмат артэфактаў з гліны, металу і г. д., прычым археалагічны сезон яшчэ працягваецца. Думаю, наперадзе шмат новых адкрыццяў», — падкрэсліў віцэ-прэм’ер
Акадэмік-сакратар Аддзялення гуманітарных навук і мастацтваў Нацыянальнай акадэміі навук Беларусі Аляксандр Каваленя адзначыў, што студэнты тут набываюць унікальныя навыкі. «Гэта досвед працы на помніку не толькі рэспубліканскага, але і агульнаеўрапейскага ўзроўню. Гэта месца, дзе наша новае пакаленне фарміруе свае грамадзянскія і патрыятычныя якасці, свае грамадзянскія перакананні. Гэта вельмі важна», — канстатаваў ён.
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.