У Беларусі збожжавыя і зернебабовыя культуры ўбраны амаль на 8% плошчаў, паведамілі ў Міністэрстве сельскай гаспадаркі і харчавання.
Па дадзеных на 18 ліпеня, збожжавых і зернебабовых культур (без кукурузы, грэчкі, проса) убрана 153,8 тыс.га, або 7,77% ад плана. Намалочана 532,6 тыс. т збожжа.
Азімы ячмень убраны на 141,4 тыс. га (90,3% да ўборачнай плошчы), намалочана 494 тыс. т пры сярэдняй ураджайнасці 34,9 ц/га. азімага рапсу на збожжа ўбрана 51,9 тыс. га (15,6% да ўборачнай плошчы), намалочана 101,8 тыс. т пры сярэдняй ураджайнасці 19,6 ц/га.
Лён выцераблены на 6,13 тыс. га, што складае 14,04% уборачнай плошчы. Нарыхтавана 341,3 тыс. т сена — 35,5% да плана, 7790,4 тыс.т сенажу — 56,9% (у тым ліку ў палімерную ўпакоўку 250,8 тыс. т), 340,1 тыс. т зернесенажу і 194,8 тыс. т сіласу — 1,02%.
Прамежкавыя аднагадовыя культуры пасеяны на 90, 1 тыс.га плошчаў.
Усяго сёлета плануецца атрымаць з траў 9,6 млн т кармавых адзінак. Да гэтага часу нарыхтавана 26% ад плана. Сіласу плануецца нарыхтаваць амаль 19,2 млн т, сенажу — 13,7 млн т (у тым ліку ў палімерную ўпакоўку 1 млн т), сена — 962,1 тыс. т.
Прэв'ю: pixabay.com
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».