Кітайская група вымерала таўшчыню снегу на вяршыні Джамалунгмы

Кітайская экспедыцыйная група вымерала таўшчыню снегу на вяршыні гары Джамалунгма з дапамогай дакладнага геарадара, перадае «Жэньмінь жыбаа» анлайн».

Вымярэнні паказалі, што сярэдняя таўшчыня снегу складае каля 9,5 метра. Артыкул аб гэтым апублікаваны ў часопісе «The Cryosphere». Гэтыя дадзеныя атрыманы ў маі мінулага года падчас экспедыцыі на гару Джамалунгма, якая стала часткай другой комплекснай навуковай экспедыцыяй краіны на Цінхай-Тыбецкае сугор’е. Вымярэнне таўшчыні снежнага покрыва на вяршыні гары Джамалунгма было сярод задач дадзенай навуковай экспедыцыі.

Навуковы супрацоўнік Інстытута даследаванняў Тыбецкага нагор’я Акадэміі навук Кітая Ян Вэй адзначыў, што на аснове метадаў радыёлакацыйнага прафілявання члены экспедыцыйнай групы выкарыстоўвалі інтэграваны радар для вымярэння таўшчыні снегу і лёду. Радыёлакацыйныя вымярэнні паказалі паступовае павелічэнне таўшчыні снежнага покрыва ўздоўж паўночнага схілу, што палегчыла дакладную інтэрпрэтацыю дадзеных для даследчыкаў.

Кіраўнік групы другой навуковай экспедыцыі Яа Таньдун адзначыў, што вынікі даследавання дазволяць атрымаць дадзеныя для вывучэння дынамічных змяненняў крыясферы на звышвысокіх пунктах і літасферы на вяршыні гары Джамалунгма, а таксама маюць вялікую навуковую каштоўнасць для разумення таго, як крыясфера рэагуе на змяненне клімату.