Старшыня Савета Рэспублікі Наталля Качанава правяла нараду па пытаннях удасканалення сістэмы рэгулявання цэн у Беларусі. Пра гэта паведамляе БелТА са спасылкай на прэс-службу верхняй палаты парламента.
«Ёсць даручэнне кіраўніка дзяржавы аб комплекснай і аб’ектыўнай ацэнцы ўнесеных змяненняў у пастанову ўрада ад 19 кастрычніка 2022 года № 713 „Аб сістэме рэгулявання цэн“. Неабходна выпрацаваць узгодненыя прапановы, якія дазволяць утрымаць тэмп інфляцыі ў межах прагнозных значэнняў, забяспечаць збалансаванасць спажывецкага рынку і далейшае развіццё гандлёвых арганізацый», — адзначыла спікер верхняй палаты парламента.
У нарадзе прынялі ўдзел члены рабочай групы, створанай у адпаведнасці з Дырэктывай Прэзідэнта Рэспублікі Беларусь ад 6 кастрычніка 2022 года № 10 «Аб недапушчальнасці росту цэн», першы намеснік прэм’ер-міністра Мікалай Снапкоў, старшыня Мінскага аблвыканкама Аляксандр Турчын, старшыня Мінскага гарвыканкама Уладзімір Кухараў і міністр антыманапольнага рэгулявання і гандлю Аляксей Багданаў.
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».