Беларусь і Азербайджан актыўна ўзаемадзейнічаюць у сферы фізкультуры і спорту. Пра гэта заявіў намеснік прэм’ер-міністра Беларусі Ігар Петрышэнка падчас сустрэчы з намеснікам прэм’ер-міністра Азербайджана Шахінам Мустафаевым, паведамляе БелТА.
«Мы традыцыйна разам з Азербайджанам актыўна развіваем сферу фізічнай культуры і спорту вышэйшых дасягненняў. Вы правялі Еўрапейскія гульні, потым мы эстафету падхапілі. Мы правялі гульні краін СНД і будзем вам урачыста перадаваць эстафету правядзення наступных гульняў. Дарэчы, хачу павіншаваць вашу каманду з паспяховым выступленнем на Гульнях. Падтрымліваем нашых азербайджанскіх сяброў ва ўсіх відах спорту», — сказаў Ігар Петрышэнка.
Ён адзначыў, што Беларусь і Азербайджан вельмі актыўна развіваюць супрацоўніцтва па ўсіх напрамках, сёлета 30-годдзе дыпламатычных адносін. Тон двухбаковаму ўзаемадзеянню задаюць пастаянныя кантакты лідараў дзвюх краін, таксама рэгулярна сустракаюцца кіраўнікі ўрадаў. Наладжана і маладзёжнае супрацоўніцтва. «Спадзяюся, сённяшняя сустрэча паслужыць актывізацыі нашага ўзаемадзеяння ў сферах эканомікі, прамысловай кааперацыі, спорту, турызму, культуры», — дадаў віцэ-прэм’ер.
Сёння да сустрэчы з Ігарам Петрышэнкам Шахін Мустафаеў усклаў кветкі да стэлы на плошчы Перамогі і наведаў Музей гісторыі Вялікай Айчыннай вайны ў Мінску
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.