Беларуская аўтамабільная прамысловасць будзе развівацца паскоранымі тэмпамі, прырастаць дадатковымі праектамі і магутнасцямі. Пра гэта ў эфіры тэлеканала АНТ расказаў намеснік прэм’ер-міністра Пётр Пархомчык, паведамляе БелТА.
«У мінулым годзе мы вырабілі каля 30 тыс. аўтамабіляў, і на рынку не хапала гэтай прадукцыі, — падкрэсліў ён. — Прэзідэнтам была пастаўлена жорсткая задача выпусціць у бягучым годзе 60 тыс. легкавых аўтамабіляў, і яна будзе выканана. Ужо 40 тыс. аўтамабіляў выраблена і рэалізавана. Важная задача — лакалізацыя кампанентнай базы гэтых аўтамабіляў. Наступны год будзе вельмі складаным для кампаніі „БЕЛДЖЫ“: мы павінны стварыць за кароткі перыяд штамповачную вытворчасць, каб вырабляць усе кампаненты кузава для нашага прадпрыемства. Акрамя таго, трэба стварыць вытворчасць па зварцы канструкцый. Таму пераходзім да этапу стварэння дадатковых магутнасцей з разліку 80 тыс. аўтамабіляў у год пры двухзменным рэжыме работы».
Паралельна абмяркоўваюцца пытанні глыбокай лакалізацыі, уключаючы рухавік унутранага згарання. «У нас ёсць пагадненне з адной з кітайскіх кампаній, якая ўжо даставіла два красоверы на сертыфікацыю, — удакладніў Пётр Пархомчык. — Новыя машыны не будуць перасякацца з вырабляемай СЗАТ «БЕЛДЖЫ» прадукцыяй. Гэтыя красоверы больш дарагія і адносяцца да бізнес-класа. У бліжэйшы час мы павінны іх сертыфікаваць. З верасня да нас паступаюць машынакамплекты для іх вытворчасці. Зборку будзем весці на вядомым прадпрыемстве «Юнісан».
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.