Да плюс 31 градуса і дажджы з навальніцамі абяцаюць сіноптыкі ў Беларусі на бягучым тыдні. Пра гэта паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя.
У сераду, 30 жніўня, ноччу месцамі, днём на большай частцы тэрыторыі краіны абяцаюць кароткачасовыя дажджы. У дзённы час у заходніх раёнах месцамі прагназуюцца моцныя дажджы; у асобных раёнах навальніцы. Уначы і раніцай месцамі слабы туман. Уначы чакаецца плюс 15—21 градус, днём — плюс 27—34. Па захадзе слупкі падымуцца да плюс 24—26 градусаў.
Згодна з папярэднім прагнозам сіноптыкаў, у чацвер услед за атмасферным фронтам у краіну пачне паступаць умерана цёплая няўстойлівая паветраная маса з Заходняй Еўропы. Таму тэмпературны фон панізіцца: ночы стануць свяжэйшыя, ды і днём ужо будзе не так горача. Толькі па ўсходзе паветра яшчэ паспее прагрэцца да высокіх тэмператур.
У чацвер, 31 жніўня, на большай частцы тэрыторыі краіны пройдуць кароткачасовыя дажджы, месцамі навальніцы. Уначы і раніцай у асобных раёнах магчымы слабы туман. Тэмпература паветра ўначы будзе вагацца ад плюс 14 да плюс 20 градусаў. Днём — плюс 20—27 градусаў, а па ўсходзе — плюс 28—31.
У пятніцу, 1 верасня, ноччу месцамі па краіне прагназуюцца кароткачасовыя дажджы. Днём пераважна без ападкаў, толькі ў асобных раёнах па паўднёвым усходзе пройдуць кароткачасовыя дажджы. Уначы і раніцай у асобных раёнах слабы туман. Тэмпература паветра ноччу дасягне плюс 10—17 градусаў, а днём — плюс 19—26.
У суботу, 2 верасня, будзе пераважна без ападкаў. Уначы і раніцай у асобных раёнах слабы туман. Уначы тэмпература будзе вагацца ад плюс 8 градусаў па поўначы да плюс 16 па паўднёвым усходзе. Днём паветра прагрэецца да плюс 20—27.
У нядзелю, 3 верасня, ноччу будзе пераважна без ападкаў, раніцай і днём месцамі па краіне пройдуць кароткачасовыя дажджы, магчымы навальніцы. Уначы і раніцай у асобных раёнах слабы туман. Тэмпература паветра ўначы складзе ад плюс 8 градусаў па ўсходзе да плюс 16 па захадзе. Днём чакаецца плюс 21—28 градусаў, па поўначы месцамі плюс 19—20.
Прэв’ю: pexels.com
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
