Лукашэнка павіншаваў педработнікаў з Днём настаўніка

Педагагічным работнікам Рэспублікі Беларусь.

Паважаныя работнікі сферы адукацыі!

Дарагія сябры!

Віншую вас з Днём настаўніка — самым душэўным і блізкім усім нам святам! Бо кожны дарослы калісьці быў вучнем, а многія паглыблены ў школьнае жыццё сваіх дзяцей і ўнукаў.

Мы шчыра дзякуем педагогам і выхавальнікам за адданасць справе, любоў да дзяцей, прыклад мудрага стаўлення да жыцця.

У вашых руках будучыня Беларусі. Прывіваючы ў моладзі любоў да ведаў, выхоўваючы павагу да спрадвечных каштоўнасцяў, фарміруючы беражлівае стаўленне да гісторыі роднай зямлі і гонар за дасягненні краіны, вы ствараеце і ўмацоўваеце асновы дзяржаўнасці.

Я звяртаюся да маладых спецыялістаў, якія сёння з гордасцю прымяраюць на сябе высокае званне «настаўнік». Перакананы, абапіраючыся на вопыт старэйшых настаўнікаў, захоўваючы пераемнасць традыцый нацыянальнай школы, вы зробіце ўсё, каб павысіць імідж айчыннай адукацыі, якая заслужана прызнаецца адной з найлепшых у свеце.

Жадаю вам творчага натхнення, моцнага здароўя і новых дасягненняў на карысць падрастаючага пакалення і любімай Беларусі!

Прэзідэнт Рэспублікі Беларусь Аляксандр ЛУКАШЭНКА

Прэв’ю: БелТА