Беларуская эканоміка дэманструе ўстойлівасць і адаптыўнасць да знешніх шокаў. Пра гэта заявіў прэм’ер-міністр Раман Галоўчанка падчас сустрэчы ў Авальнай зале Дома ўрада з дэпутатамі Палаты прадстаўнікоў і членамі Савета Рэспублікі па разглядзе праектаў законаў «Аб рэспубліканскім бюджэце на 2024 год» і «Аб змене Падатковага кодэкса Рэспублікі Беларусь», перадае БелТА.
«У выніку прынятых мер, нягледзячы на ўсе абмежаванні, эканоміка дэманструе ўстойлівасць і адаптыўнасць да знешніх шокаў. Больш за тое, дынаміка эканамічнага росту адноўлена і захоўвае станоўчы трэнд. З мая штомесяц прырастае ВУП. Па выніках 9 месяцаў тэмп росту склаў 103,5%», — сказаў Раман Галоўчанка.
Ён таксама падкрэсліў, што прамысловыя прадпрыемствы працуюць стабільна. У студзені-верасні больш чым удвая павялічылася вытворчасць тэлевізараў, легкавых аўтамабіляў — у 3,8 разы, грузавых аўтамабіляў — на траціну, кар’ерных самазвалаў — на 9%, пральных машын — на 30%, ліфтаў — на 7%, абутку — на 13%.
«Па выніках работы за 9 месяцаў інвестыцыйная актыўнасць аднаўляецца. Тэмпы росту інвестыцый у асноўны капітал склалі амаль 112%, аб’ём будаўніча-мантажных работ вырас больш чым на 6%, выдаткі на набыццё машын і абсталявання павялічаны на 27,4%. Прымаюцца меры па пошуку крыніц і механізмаў інвестыцыйнага фінансавання інфраструктурных праектаў. Падрыхтаваны неабходныя рашэнні кіраўніка дзяржавы аб фінансаванні аб’ектаў дзяржаўнай і рэгіянальных інвестыцыйных праграм, жылля, дарог, якія маюць сацыяльнае значэнне», — адзначыў прэм’ер-міністр.
Адрамантавана больш за 1,7 тыс. км аўтамабільных дарог, праведзена рэканструкцыя 7 маставых збудаванняў. Сёлета ўведзены ў эксплуатацыю фізкультурна-аздараўленчыя комплексы ў Фаніпалі і Уздзе. У Гродне пачала працу адна з самых вялікіх школ (на 1,5 тыс.дзяцей). Адкрыта 6 новых дзіцячых садкоў, завершана будаўніцтва новага будынка паліклінікі Нясвіжскай цэнтральнай раённай бальніцы, рэканструяваны 4 раённыя бальніцы (у Полацку, Ляхавічах, Камянцы і Драгічыне). Да 7 лістапада будуць уведзены ў эксплуатацыю новая паліклініка ў Гродне і радыялагічны корпус Магілёўскага абласнога анкалагічнага дыспансера. «І гэта далёка не поўны пералік», — дадаў кіраўнік урада.
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.