Гібрыдны рыс у Кітаі вырошчваюць на 600 мільёнах гектараў

За апошнія 50 гадоў пасадачная плошча гібрыднага рысу ў Кітаі дасягнула 600 мільёнаў гектараў, што дазволіла павялічыць ўраджайнасць гэтай сельгаскультуры на 800 мільёнаў тон, перадае «Жэньмінь жыбаа» анлайн».

Рыс — адна з асноўных збожжавых культур у Кітаі. У 1973 годзе даследчая група пад кіраўніцтвам Юань Лунпіна, які вядомы як «бацька гібрыднага рысу», паспяхова вывела першы ў свеце высокаўраджайны гібрыдны сорт. Як заявіў навуковы супрацоўнік Акадэміі сельскагаспадарчых навук правінцыі Хунань Бай Ляньян, калі сярэдняя ўраджайнасць аднаўраджайнага рысу ў 50-60 гадах мінулага стагоддзя склала 170 кілаграмаў з му (у гектары 15 му), то зараз гэты паказчык дасягнуў 470 кг/му.

Цяпер у Кітаі штогод высаджваецца больш за 17 мільёнаў гектараў гібрыднага рысу, што дазволіла павялічыць ўраджай прыкладна на 2,5 мільёна тон, а таксама кожны год карміць 80 мільёнаў чалавек, дадаў ён. Адпаведныя даследаванні і вопытныя пасадкі праводзяцца ў дзясятках краін свету. Агульныя плошчы сельгасугоддзяў, засаджаных гібрыдным рысам, за межамі КНР складаюць каля 8 мільёнаў га. З 1980-х гадоў Кітай падрыхтаваў для замежных краін больш за 14 тысяч тэхнічных і кіраўнічых кадраў у галіне даследаванняў і пасадкі гібрыднага рысу.