16–17 лістапада парламенцкая дэлегацыя Рэспублікі Беларусь на чале са Старшынёй Савета Рэспублікі Наталляй Качанавай прыме ўдзел у мерапрыемствах Міжпарламенцкай Асамблеі дзяржаў — удзельніц СНД у Бішкеку.
У складзе беларускай дэлегацыі — члены Савета Рэспублікі Сяргей Рачкоў, Дзмітрый Варанюк і Дзмітрый Дзямідаў, дэпутаты Палаты прадстаўнікоў Валянціна Ражанец і Валянцін Семяняка. У мерапрыемствах у вочным фармаце таксама прымуць удзел кіраўнікі і члены парламенцкіх дэлегацый краін — удзельніц МПА СНД, а таксама прадстаўнікі міжнародных арганізацый, вучоныя і эксперты.
16 лістапада ў Дзяржаўнай рэзідэнцыі Ала-Арча пройдзе пасяджэнне Савета МПА СНД. Плануецца абмеркаванне актуальных пытанняў парадку дня, падвядзенне вынікаў праведзеных у 2023 годзе мерапрыемстваў, давядзенне інфармацыі аб маніторынгу выбарчых кампаній на прасторы СНД.
У гэты ж дзень адбудуцца пасяджэнні пастаянных камісій МПА СНД па палітычных пытаннях і міжнародным супрацоўніцтве і па сацыяльнай палітыцы і правах чалавека; Маладзёжнай міжпарламенцкай асамблеі СНД. Беларуская дэлегацыя возьме ўдзел у Міжнароднай канферэнцыі, прысвечанай 85-годдзю Жагорку Кенеша Кыргызскай Рэспублікі.
17 лістапада ў Дзяржаўнай рэзідэнцыі Ала-Арча адбудзецца 56-е пленарнае пасяджэнне МПА СНД. Асобная ўвага будзе ўдзелена ролі рускай мовы як мовы міжнацыянальных зносін у СНД. Парламентарыі таксама плануюць разгледзець шэраг мадэльных законапраектаў у сферы экалогіі, бяспекі і права. З удзелам парламенцкай дэлегацыі Рэспублікі Беларусь пройдзе Міжнародная канферэнцыя, прысвечаная 95-годдзю з дня нараджэння Чынгіза Айтматава.
На палях Бакінскага форуму па ўстойлівым развіцці адбылася сустрэча намесніка Старшыні Савета Рэспублікі Валерыя Бельскага з намеснікам прэм’ер-міністра Азербайджанскай Рэспублікі, старшынёй Нацыянальнага каардынацыйнага савета па ўстойлівым развіцці Алі Ахмедавым.
У ходзе сустрэчы абмеркаваны пытанні далейшага развіцця двухбаковых адносін у эканамічнай і гуманітарнай сферах. Бакі абмяняліся інфармацыяй аб кроках па забеспячэнні ўстойлівага развіцця з улікам нацыянальнай спецыфікі.
Дасягнута дамоўленасць аб узаемнай падтрымцы на міжнародных пляцоўках у кантэксце дасягнення ЦУР.
Члены Савета Рэспублікі Сяргей Сівец, Таццяна Рунец, Алена Зяблікава і Марына Ільіна ў рэжыме відэаканферэнц-сувязі прынялі ўдзел у пасяджэнні рабочых груп па супрацоўніцтве Нацыянальнага сходу Рэспублікі Беларусь і Мажыліса Парламента Рэспублікі Казахстан.
Парламентарыі абмяняліся вопытам заканадаўчага забеспячэння рэформ, абмеркавалі перспектыўныя кірункі супрацоўніцтва ў сферах аховы здароўя, сельскай гаспадаркі, прамысловай кааперацыі, лічбавізацыі і інш. Удзельнікі пасяджэння разгледзелі таксама перспектыўныя кірункі партнёрства ў галіне навукі і адукацыі.
Паводле прэс-службы Савета Рэспублікі
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».