Актуальныя пытанні дзейнасці БРСМ былі разгледжаны 22 лістапада на сустрэчы кіраўніка Адміністрацыі Прэзідэнта Рэспублікі Беларусь Ігара Сергеенкі з актывам гэтага маладзёжнага грамадскага аб’яднання, перадае БелТА.
Ігар Сергеенка падкрэсліў важнасць абмеркавання бягучых пытанняў дзейнасці вядучай маладзёжнай арганізацыі краіны. «Па сутнасці справы, наша сённяшняя сустрэча з’яўляецца працягам той сустрэчы, якая праходзіла ў Адміністрацыі Прэзідэнта ў жніўні ў больш пашыраным фармаце. Тады мы з вамі закранулі частку пытанняў, была магчымасць выказацца», — сказаў ён.
Ігар Сергеенка звярнуў увагу на важнасць кадравага складу і якасці работы маладзёжнага грамадскага аб’яднання на ўсіх узроўнях, у тым ліку на ўзроўні раённых структур. «Ад таго, хто будзе працаваць у арганізацыі, хто будзе кіраваць на месцах, будзе залежаць і ўзровень працы, узровень прывабнасці БРСМ для моладзі», — перакананы кіраўнік Адміністрацыі Прэзідэнта.
Ён таксама падкрэсліў: «Вамі рэалізуецца шэраг цікавых праектаў, якія неабходна ўдасканальваць. Трэба выкарыстоўваць і новыя формы работы. Я ведаю, што ў вас ёсць канкрэтныя прапановы, вы падтрымліваеце цікавыя кантакты».
Ігар Сергеенка таксама звярнуў увагу, што вельмі важны погляд моладзі на многія актуальныя пытанні развіцця краіны.
У ходзе сустрэчы адбылася грунтоўная і канструктыўная размова па тэмах дзейнасці БРСМ і ў цэлым удзелу маладзёжнага аб’яднання ў актуальных працэсах развіцця дзяржавы.
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».