Зараз модна казаць пра сацыяльныя ліфты, але ўсяго трэба дамагацца сваёй працай

Цяпер модна казаць пра сацыяльныя ліфты, але ўсяго трэба дамагацца сваёй працай. Аб гэтым заявіў кіраўнік Адміністрацыі Прэзідэнта Ігар Сергеенка падчас працоўнай паездкі ў Нясвіжскі раён, перадае БелТА.

Ігар Сергеенка прыняў удзел у пасяджэнні Нясвіжскага райвыканкама, дзе разглядалася пытанне аб рэалізацыі дзяржаўнай маладзёжнай палітыкі ў Нясвіжскім раёне. Кіраўнік Адміністрацыі Прэзідэнта прапанаваў дакладчыкам акцэнтаваць увагу на цікавых методыках, якія можна выкарыстоўваць у рабоце з моладдзю ў іншых рэгіёнах Беларусі.

«Зразумела, што ў нашых маладых людзей не заўсёды ёсць разуменне, што ўсяго ў жыцці трэба дамагацца сваёй працай. Модна сёння казаць пра сацыяльныя ліфты, але я больш разумею і аддаю перавагу сацыяльным усходам. Калі чалавек ідзе па гэтых усходах і сам дамагаецца ўсяго», — сказаў Ігар Сергеенка.

У цэлым, адзначыў Ігар Сергеенка, мерапрыемствы для моладзі ў Нясвіжскім раёне праводзяцца не дзеля галачкі. «Прымаюцца пэўныя рашэнні, але самае галоўнае — дабіцца яго выканання. Па замацаванню маладых спецыялістаў можна сказаць, што лічбы дастаткова высокія. У тым ліку ў сацыяльнай — сярод педагагічных і медыцынскіх работнікаў», — дадаў ён.

Ігар Сергеенка таксама станоўча ацаніў прафарыентацыйную работу ў Нясвіжскім раёне. «У вас станоўчы прыклад: 80% маладых спецыялістаў з’яўляюцца карэннымі жыхарамі, г.зн. вы рыхтуеце кадры, і яны ў вас замацоўваюцца. Але працу з перспектыўным кадравым рэзервам трэба ўзмацніць. Калі гаварыць плакатнай савецкай мовай, Нясвіжскі раён можа стаць кузняй кадраў не толькі для іншых раёнаў, але і для краіны. Мы пра гэта забываем», — канстатаваў кіраўнік Адміністрацыі Прэзідэнта.

Прэв’ю: БелТА