У мінулым месяцы на чыгунках Кітая назіраўся істотны рост пасажырапатоку. Пра гэта паведамілі ў Дзяржаўным упраўленні чыгунак КНР, перадае «Жэньмінь жыбаа» анлайн».
У кастрычніку па чыгунках было здзейснена 351,69 мільёна пасажырскіх паездак, што на 195,6 працэнта больш, чым за такі ж час летась. Паводле дадзеных ведамства, за 10 месяцаў гэтага года колькасць чыгуначных пасажырскіх паездак перавысіла 3,28 млрд, павялічыўшыся на 119 працэнтаў у гадавым вылічэнні.
Аб’ём чыгуначных грузаперавозак у Кітаі, які з’яўляецца адным з ключавых паказчыкаў эканамічнай актыўнасці, узрос у кастрычніку на 4 працэнты ў гадавым вылічэнні да 436,56 мільёна тон. Аб’ём інвестыцый краіны ў асноўны капітал чыгуначнага сектара ў кастрычніку склаў 572,6 мільярда юаняў (каля 79,78 млрд. долараў), што на 7,2 працэнта больш у параўнанні з адпаведным перыядам мінулага года.
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
