Больш як 2,5 тыс. чалавек з інваліднасцю скарысталіся паслугамі персанальнага асістэнта, паведаміла начальнік упраўлення па справах інвалідаў Міністэрства працы і сацыяльнай абароны Вікторыя Грэчыха ў праекце БелТА «Краіна гаворыць».
Яна нагадала, што новая сацыяльная паслуга персанальнага асістэнта з’явілася з прыняццем закона «Аб правах інвалідаў і іх сацыяльнай інтэграцыі», які ўступіў у сілу 6 студзеня 2023 года.
Паводле слоў начальніка ўпраўлення па справах інвалідаў, гэта паслуга ўлічвае індывідуальныя запыты чалавека з інваліднасцю. «Дапусцім, чалавеку неабходна дабрацца ў паліклініку, установу адукацыі, службу занятасці або проста аформіць нейкія дакументы — персанальны асістэнт заўсёды ў дапамогу», — растлумачыла яна.
Атрымальніку паслугі таксама дапамогуць у складанні рэзюмэ і інш. Паслуга аказваецца тэрытарыяльнымі цэнтрамі сацыяльнага абслугоўвання насельніцтва. «У гэтым годзе яе атрымалі ўжо больш за 2,5 тыс. чалавек», — адзначыла начальнік упраўлення.
Гаворачы пра іншыя навацыі, прадугледжаныя законам, Вікторыя Грэчыха адзначыла ўдасканаленне сацыяльнай рэабілітацыі, абілітацыі інвалідаў. Прадугледжана магчымасць стварэння аддзяленняў рэабілітацыі, абілітацыі на базе дамоў-інтэрнатаў, і такое аддзяленне ўжо існуе, у прыватнасці, на базе Гомельскага дома-інтэрната для дзяцей-інвалідаў з асаблівасцямі псіхафізічнага развіцця. Курс сацыяльнай рэабілітацыі — да месяца ў год.
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
