У выбудоўванні гандлёвых адносін мы імкнемся да дасягнення балансу. Пра гэта падчас дзясятага пасяджэння сумеснай міжурадавай камісіі па двухбаковым супрацоўніцтве паміж Рэспублікай Беларусь і Рэспублікай Узбекістан заявіў намеснік прэм’ер-міністра Беларусі Леанід Заяц, перадае БелТА.
Леанід Заяц адзначыў, што беларуска-ўзбекскае ўзаемадзеянне адрозніваецца высокай дынамікай, бакі зацікаўлены ў супрацоўніцтве.
«У выбудоўванні гандлёвых адносін мы імкнёмся да дасягнення балансу. І актыўны рост, які назіраецца ў апошнія гады паставак тавараў з Рэспублікі Узбекістан з’яўляецца вельмі пазітыўным фактарам. У Беларусі маецца ўстойлівы попыт на пастаўкі з Узбекістана неабходных для беларускай прамысловасці баваўнянай пражы і трыкатажу, надбудоў для спецтэхнікі, металапракатнай прадукцыі, вінаматэрыялаў. Беларускі бок таксама зацікаўлены ў закупках узбекскай свежай плодаагародніннай прадукцыі, арэхаў і сухафруктаў», — адзначыў віцэ-прэм’ер.
«У сваю чаргу мы гатовыя забяспечыць стабільныя пастаўкі запатрабаваных на ўзбекскім рынку пазіцый, у тым ліку высакаякасных мяса-малочных і іншых харчовых тавараў, прадукцыі дрэваапрацоўчай, нафтахімічнай і фармацэўтычнай галін, дарожна-будаўнічай, камунальнай і грузавой тэхнікі, медыцынскіх прэпаратаў і тэхнікі», — падкрэсліў віцэ-прэм’ер.
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
