Больш за 66 тыс. дзяцей пройдуць лячэнне і аздараўленне на зімовых канікулах у лагерах Беларусі. Пра гэта журналістам паведаміў дырэктар Рэспубліканскага цэнтра аздараўлення і санаторна-курортнага лячэння насельніцтва Генадзь Балбатоўскі, паведамляе БелТА.
«Рэспубліканскі цэнтр сумесна з Міністэрствам адукацыі актыўна ўключаецца ў арганізацыю зімовых канікул з 24 снежня па 7 студзеня. Усе заяўкі бацькоў, сабраныя ўстановамі адукацыі, будуць задаволены ў поўным аб’ёме. Усе жадаючыя або маюць патрэбу дзеці пройдуць аздараўленне ў перыяд зімовых канікул», — распавёў Генадзь Балбатоўскі.
Дзённыя або прышкольныя лагеры на канікулах будуць функцыянаваць не менш за 6 дзён, лагеры з кругласутачным знаходжаннем — не менш за 9 дзён. «Плануецца, што пройдуць аздараўленне і лячэнне ў нас больш за 66 тыс. дзяцей. Найбольшы попыт адзначаецца ў Мінску — больш за 12 тыс. дзяцей, крыху менш у Віцебскай і Мінскай абласцях — каля 10 тыс. дзяцей. Рэспубліканскім цэнтрам будзе забяспечана фінансаванне правядзення зімовых канікул, на гэта з рэспубліканскага бюджэту выдзелена больш за Br2 млн», — адзначыў кіраўнік.
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
