Кітай імкнецца стварыць папярэднюю інавацыйную сістэму для чалавекападобных робатаў да 2025 года ў рамках намаганняў краіны па развіцці індустрыі будучага. Аб гэтым гаворыцца ў кіраўніцтве, апублікаваным Міністэрствам прамысловасці і інфарматызацыі КНР, перадае «Жэньмінь жыбаа» анлайн».
Да 2025 года ў краіне з’явіцца шэраг малых і сярэдніх прадпрыемстваў, якія спецыялізуюцца на рынку чалавекападобных робатаў і валодаюць перадавымі тэхналогіямі, а таксама дзве-тры кампаніі па адпаведнай вытворчасці з сусветным уплывам, адзначаецца дакуменце. Да 2027 года ў Кітаі будзе сфарміравана бяспечная і надзейная сістэма ланцужкоў вытворчасці і паставак, а адпаведныя тавары будуць глыбока інтэграваныя ў рэальны сектар эканомікі. У прыватнасці, трэба будзе прыкладаць намаганні да ўмацавання вытворчасці базавых кампанентаў і прасоўванні інавацый у галіне праграмнага забеспячэння, а таксама стварэнні сцэнарыяў прымянення для апрацоўчай прамысловасці і іншых сумежных сектараў.
Распрацоўка чалавекападобных робатаў — галіна будучага, якая валодае велізарным патэнцыялам. Яна ўключае ў сябе мноства перадавых тэхналогій, такіх як штучны інтэлект, высокатэхналагічная вытворчасць і новыя матэрыялы. У Кітаі маецца пэўны падмурак для развіцця гэтай галіны, але неабходна аб’яднаць рэсурсы і намаганні, каб садзейнічаць ключавым тэхналагічным інавацыям, заявілі ў міністэрстве.
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.