Умовы надвор’я ў найбліжэйшы час у Беларусі будуць вызначаць атмасферныя франты, якія ссоўваюцца з Заходняй Еўропы ў нашым напрамку, паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Ужо ў аўторак будзе паступаць цёплая паветраная маса атлантычнага паходжання. Чакаецца перавага воблачнага надвор’я. На большай частцы тэрыторыі краіны пройдуць ападкі ў выглядзе снегу, мокрага снегу і дажджу. Ноччу месцамі па краіне чакаецца завіруха. У асобных раёнах краіны слабы галалёд, на дарогах галалёдзіца. Вецер паўднёвы, паўднёва-заходні ўмераны, ноччу парывісты, у многіх раёнах Беларусі моцны парывісты. Тэмпература паветра ўначы ад мінус 5 градусаў да 1 цяпла, тэмпература днём — ад мінус 2 градусаў да 4 цяпла. Атмасферны ціск ноччу будзе слаба падаць, днём расці.
З серады ў нас пачнецца час зімовых туманаў. Ноччу адаб’ецца ўплыў няўстойлівай паветранай масы, а днём краіна апынецца пад уплывам сістэмы атмасферных франтоў ад цыклону з цэнтрам над Швецыяй. Воблачна з праясненнямі. Ноччу месцамі пройдуць невялікія кароткачасовыя ападкі, днём у многіх раёнах ападкі ў выглядзе мокрага снегу і дажджу. Месцамі чакаюцца слабы галалёд, ноччу і раніцай слабы туман. На асобных участках дарог галалёдзіца. Вецер паўднёва-заходні, паўднёвы парывісты, удзень месцамі, а на захадзе на большай частцы моцны парывісты. Тэмпература паветра ўначы — ад мінус 3 градусаў да плюс 2. Максімальная тэмпература днём — ад мінус 1 да плюс 5 градусаў.
У чацвер студзеньская адліга працягнецца. У гэты дзень надвор’е будуць вызначаць франтальныя раздзелы ад цыклону, які ссоўваецца са Швецыі на Пскоўскую вобласць. Хмарна. Часам пройдуць ападкі (мокры снег, дождж). Ноччу і раніцай у асобных раёнах краіны слабыя туман і галалёд. На дарогах месцамі галалёдзіца. Вецер заходні, паўночна-заходні парывісты, удзень месцамі на паўднёвым захадзе моцны парывісты. Тэмпература паветра на працягу сутак складзе ад мінус 1 градуса да 5 цяпла.
Згодна з папярэднім прагнозам сіноптыкаў, у пятніцу характар надвор’я пачне мяняцца. У нашу краіну будуць паступаць больш халодныя паветраныя масы паўночных шырот, тэмпературны фон панізіцца, а ападкі — у выглядзе снегу і мокрага снегу. Пры гэтым яны стануць менш інтэнсіўнымі і будуць адзначацца лакальна па тэрыторыі краіны, толькі ў ноч на пятніцу кароткачасовы снег, мокры снег яшчэ пройдзе ў большасці раёнаў краіны. На асобных участках дарог чакаецца галалёдзіца.
У пятніцу ноччу на большай частцы тэрыторыі, днём месцамі прагназуецца кароткачасовы снег, мокры снег. На асобных участках дарог галалёдзіца. Тэмпература паветра на працягу сутак будзе ў межах ад мінус 5 да плюс 1 градуса.
У суботу месцамі па краіне пройдзе кароткачасовы снег, мокры снег. На асобных участках дарог утворыцца галалёдзіца. Тэмпература паветра ўначы апусціцца да мінус 2–9 градусаў, а пры праясненнях — да мінус 12 градусаў. Днём тэмпература дасягне мінус 6 — плюс 1 градуса.
У нядзелю месцамі па краіне чакаецца кароткачасовы снег, мокры снег. На асобных участках дарог — галалёдзіца. Уначы паветра астудзіцца да мінус 3 — мінус 10 градусаў, пры праясненнях — да мінус 15, а ў паўднёва-заходніх раёнах — да мінус 1–2 градусаў. Днём сіноптыкі абяцаюць ад мінус 6 да плюс 1 градуса.
Сяргей КУРКАЧ
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
