Працяг прыгод ужо вядомага Тошкі і яго сяброў можна ўбачыць у ранішнім эфіры тэлеканала «Беларусь 3». Мультыплікацыйны фільм мае назву «Тошка і яго сябры. Дапоўненая рэальнасць. Перазагрузка».
Мультфільм выйшаў летась на кінастудыі «Беларусьфільм». Яго рэжысёр-пастаноўшчык Аляксандр Ленкін, які з’яўляецца і аўтарам сцэнарыю ў тандэме з Канстанцінам Андрушачкіным, і творчая каманда зрабілі працяг гісторыі пра любімага многімі казачнага героя. Ён — наш нацыянальны сімвал — звычайная бульбіна. Тошка нарадзіўся пад вялікім бульбяным кустом у сям’і Бульбашоў. Разам са сваімі сябрамі гэты персанаж спрытна вырашае самыя розныя, часам вельмі нечаканыя, жыццёвыя сітуацыі. У працягу гісторыі гледачы ўбачаць, як кампанія, гуляючы ў акулярах дапоўненай рэальнасці, ламае ў парку зялёныя насаджэнні. І каб выправіць сітуацыю, на дапамогу Тошку і яго сябрам прыходзіць Дзед Бульбаш. Ён сканструіраваў робата, якога героі павінны навучыць клапаціцца аб навакольным асяроддзі. І тым самым выправіць наступствы сваёй гульні. Толькі вось у працэсе праграмавання робат выходзіць з-пад кантролю дзяцей і маштабы беспарадку павялічваюцца... Ці ўдасца юным героям зноў узяць пад кантроль сітуацыю і якія высновы яны зробяць пасля гэтай прыгоды, — даведаецеся падчас прагляду мультфільма.
Алена ДРАПКО
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
