Па выніках мінулага года найбуйнейшы ў свеце калідор чыстай энергіі, які складаецца з каскаду шасці магутных гідраэлектрастанцый на даўжэйшай у Кітаі рацэ Янцзы, выпрацаваў больш за 276 мільярда кілават-гадзін электраэнергіі, што на 5,34 працэнта больш, чым у 2022-м. Аб гэтым сведчаць дадзеныя гідраэнергетычнай кампаніі China Yangtze Power Co., Ltd. (CYPC), перадае «Сіньхуа».
Выпрацаваны гадавы аб’ём электраэнергіі эквівалентны эканоміі каля 83 мільёнаў тон умоўнага паліва і скарачэнню выкідаў вуглякіслага газу больш чым на 200 мільёнаў тон. Будаўніцтва калідора было завершана ў снежні 2022 года з увядзеннем у эксплуатацыю на поўную магутнасць ГЭС «Байхэтань» у вярхоўях ракі Янцзы на паўднёвым захадзе Кітая. Іншыя пяць ГЭС гэтага калідора — «Удундэ», «Сіладу», «Сянцзяба», «Санься» («Тры цясніны») і «Гэчжоўба».
Гэтыя шэсць гідраэлектрастанцый перадаюць электраэнергію з багатых адпаведнымі рэсурсамі заходніх раёнаў у энергаспажывальныя рэгіёны на ўсходзе краіны. Іх агульная ўсталяваная магутнасць, паводле дадзеных CYPC, складае каля 71,7 мільёна квт.
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
