У Чэлябінску працягваюцца спаборніцтвы па канькабежным спорце ў рамках II Усерасійскай спартакіяды наймацнейшых спартсменаў па зімовых відах спорту 2024 года, паведамляе БелТА.
Спаборніцкую праграму суботы адкрылі старты на дыстанцыі 5000 м у жанчын. Адзіная прадстаўніца Беларусі Марына Зуева выступала ў першым жа забегу і паказала вынік 7:14,27 сек. Пасля беларускі 5 км пераадолелі яшчэ дзесяць спартсменак, але ніводнай з іх не ўдалося перасягнуць паказчык нашай канькабежкі. Такім чынам, Марына Зуева стала першай беларускай чэмпіёнкай Усерасійскай спартакіяды, другое месца ў гэтым відзе з пройгрышам 8 секунд заняла Кацярына Кошалева са Свярдлоўскай вобласці, трэці час дня — у масквічкі Алісы Бекер (13 секунд адставання).
Медаль Зуевай стаў для нашай дэлегацыі трэцім у канькабежным спорце: раней бронзавыя ўзнагароды на пяцісотметроўцы выйгралі Ігнат Галавацюк і Ганна Дамарацкая. Далей на старт забегаў на 10 000 м выйдуць мужчыны, а завершацца спаборніцтвы ў Чэлябінску ў нядзелю двума мас-стартамі.
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.