Да канца мінулага года колькасць базавых станцый 5G у Кітаі перавысіла 3,37 мільёна, а агульная колькасць карыстальнікаў паслуг 5G-сувязі дасягнула 805 мільёнаў чалавек. Аб гэтым паведаміла Міністэрства прамысловасці і інфарматызацыі КНР, перадае «Жэньмінь жыбаа» анлайн».
Кітай пабудаваў найбуйнейшыя ў свеце оптавалакновую сетку і сетку мабільнага шырокапалоснага доступу ў Інтэрнэт. Пры гэтым сеткай 5G ахоплены 80 працэнтаў вёсак краіны. Кітай бесперапынна развівае тэхналагічныя стандарты, сеткавае і тэрмінальнае абсталяванне галіны тэхналогій 5G. 42 працэнты апавяшчэнняў аб атрыманні патэнтаў на 5G належыць кітайскім кампаніям.
Прымяненне гэтай тэхналогіі інтэгравана ў асноўныя катэгорыі нацыянальнай эканомікі. Існуе больш за 94 тысячы прыкладаў прымянення 5G, разгорнута больш за 29 тысяч прыватных сетак. Колькасць прамысловых праектаў з ужываннем адпаведных тэхналогій перавысіла 10 тысяч.
Як стала вядома, да канца мінулага года доля 5G у трафіку мабільных дадзеных у Кітаі склала 47 працэнтаў.
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».