Аб’ём экспарту турыстычных паслуг у Беларусі за 2023 год, папярэдне, склаў $200 млн, паведаміла дырэктар Дэпартамента па турызме Міністэрства спорту і турызму Ірына Варановіч у праекце БелТА «Краіна гаворыць».
«Думаю, што гэтая лічба будзе на пару мільёнаў вышэйшая. У нас ёсць умоўныя паказчыкі, якіх мы павінны былі дасягнуць згодна з дзяржпраграмай», — расказала Ірына Варановіч.
Па тэмпе росту Беларусь выйграе ў параўнанні з 2022 годам, але па колькасных паказчыках ледзь не даходзіць. «На гэта ёсць аб’ектыўныя прычыны, і мы неаднаразова аб іх гаворым. Людзі пра гэта самі ведаюць і бачаць. Гэта ўмовы, якія сёння адбываюцца не толькі ў краіне, але і ўвогуле ў свеце, у тым ліку абмежаваная палётная праграма», — растлумачыла дырэктар дэпартамента.
Паводле слоў Ірыны Варановіч, Беларусь яшчэ не дасягнула дапандэмійнага ўзроўню ў турыстычнай галіне, таму што 2019 год быў, напэўна, самым паспяховым для галіны. «На яго аснове мы і выбудавалі паказчыкі для дзяржаўнай праграмы, таму сёння вельмі складана выконваць гэтыя лічбы. У 2019 годзе экспарт турпаслуг склаў больш як $264 млн., — адзначыла яна. — Тым не менш ёсць і станоўчая дынаміка, таму што ў параўнанні з папярэднімі гадамі ў 2023 годзе мы паказваем добрыя лічбы».
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».