Кітайская моладзь апасаецца наступстваў развіцця штучнага інтэлекта

Свет штучнага інтэлекту увесь час змяняецца: напісанне тэкстаў, праца з выявамі і стварэнне відэа — усё гэта можна зрабіць з дапамогай адпаведных прылад. Тым не менш інструменты, якія палягчаюць працу людзей, ствараюць і пэўныя праблемы. Апытанне, праведзенае Цэнтрам сацыяльных даследаванняў рэдакцыі газеты China Youth Daily і сэрвісам для правядзення апытанняў wenjuan. com, паказала, што 73,5 рэспандэнтаў занепакоеныя тым, што распаўсюджванне штучнага інтэлекту можа пагоршыць здольнасць людзей выказваць свае думкі, 20,9 працэнта выказалі сур’ёзную занепакоенасць, перадае «Жэньмінь жыбаа» анлайн».

«Зараз інструменты штучнага інтэлекту, заснаваныя на апрацоўцы вялікіх дадзеных і ўзаемадзеянні на натуральнай мове, уносяць фундаментальныя змяненні ў граматнасць людзей», — заявіў дацэнт філалагічнага факультэта Цзінаньскага ўніверсітэта Чжэн Хуаньчжаа. Ён адзначыў, што смайлікі і мемы, папулярныя словы і інтэрнэт-слэнг прыходзяць пад уплывам медыясістэм і анлайн-платформ і спрашчаюць нашу прамову, а высокі ўзровень смартызацыі дазваляе інструментам штучнага інтэлекту стаць альтэрнатывай чалавеку пры стварэнні тэкстаў.

Па словах Лю Юаня, маладога чалавека з Ханчжоу, інструменты штучнага інтэлекту робяць наша жыццё і у болработьш эфектыўнымі і зручнымі, але з-за аўтаматызаванай працы людзі лянуюцца думаць. Ён таксама адзначыў, што кантэнт, які ствараецца з дапамогай штучнага інтэлекту, недастаткова крэатыўны і ўнікальны: «Мы захапляемся годнымі выступленнямі, нас кранаюць шчырыя тэксты. У гэтым і ёсць зачараванне мовы і выразнай гаворкі — гэта тое, чаго няма ў штучнага інтэлекце».

Паводле апытання, з надыходам эры штучнага інтэлекту 85,6 працэнта апытаных маладых людзей сталі адзначаць важнасць умення самастойна думаць і выразна выказваць свае думкі. Некаторыя ўдзельнікі апытання лічаць, што інструменты штучнага інтэлекту спрашчаюць складаныя задачы. Напрыклад, калі раней трэба было знайсці крыніцы на пэўную тэму, то даводзілася самастойна апрацоўваць вялізны аб’ём інфармацыі. Сёння ж для гэтай мэты можна выкарыстоўваць штучны інтэлект. У гэтым выпадку вы не перастанеце самастойна думаць — усё яшчэ запатрабуецца ацаніць дакладнасць падабранага матэрыялу і выявіць наяўнасць лагічных памылак.

Чжэн Хуаньчжаа лічыць, што людзям трэба падумаць аб тым, як суіснаваць са штучным інтэлектам: «Мы павінны павышаць медыяпісьменнасць і вучыцца выкарыстоўваць інструменты штучнага інтэлекту, а таксама развіваць моўную пісьменнасць і ўменне выказваць думкі».