У кітайскай глыбінцы створаць стрымінгавыя базы электроннай камерцыі

У Кітаі абвясцілі кіруючыя прынцыпы па прасоўванні высакаякаснага развіцця электроннай камерцыі ў сельскіх раёнах, перадае «Сіньхуа».

Дакумент быў сумесна выпушчаны дзевяццю ведамствамі, у тым ліку Міністэрствам камерцыі КНР і Дзяржаўнай канцылярыяй інтэрнэт-інфармацыі. Як адзначылі ў Мінкамерцыі, мэта гэтага кроку — адпавядаць тэндэнцыі развіцця лічбавай эканомікі, каб фарміраваць новую архітэктоніку развіцця, павышаць якасць спажывання і даходы сельскіх жыхароў.

У дырэктыве выкладзены 14 дэталёвых стратэгій па шасці напрамках, у тым ліку стварэнне шматузроўневай платформы комплекснага абслугоўвання сельскай электроннай камерцыі, паскоранае фарміраванне сучаснай сістэмы лагістыкі і размеркавання, садзейнічанне развіццю дыверсіфікаваных суб’ектаў электроннай камерцыі новага тыпу ў сельскіх раёнах.

У ведамстве заявілі, што гэта дапаможа стварыць стрымінгавыя базы электроннай камерцыі на ўзроўні паветаў у рамках намаганняў краіны па ўсебаковым прасоўванні ўздыму вёскі.