106 чалавек былі шпіталізаваны пасля прыёму японскіх БАДаў

У Японіі два чалавекі памерлі і 106 трапілі ў бальніцу пасля прыёму БАДаў з чырвоным дражджавым рысам, паведамляе «МИР 24».

Як заяўляў вытворца, харчовая дабаўка павінна была спрыяць зніжэнню ўзроўню халестэрыну. Вядома, што адзін з памерлых прымаў БАД на працягу прыкладна трох гадоў і сканаў ад захворвання нырак.

Урад арганізуе экстраныя праверкі гэтага тыпу БАДа, які ўключае ў сябе каля шасці тысяч відаў прадукцыі. Кампанія-вытворца адклікала пяць відаў дабавак, у тым ліку каля 300 тысяч упаковак БАДа з чырвоным дражджавым рысам.

Прэв’ю: pixabay.com