Тавараабарот паміж Беларуссю і Рэспублікай Адыгея за апошнія пяць гадоў вырас у тры разы. Пра гэта сказаў журналістам старшыня канцэрна «Белдзяржхарчпрам» Алег Жыдкоў, перадае БелТА.
«Візіт дэлегацыі Рэспублікі Адыгея праходзіць упершыню на такім высокім узроўні. Пакуль нашы адносіны знаходзяцца на пачатковым этапе развіцця. Калі казаць пра дынаміку апошніх пяці гадоў, мы маем дастаткова пазітыўны трэнд у росце ўзаемнага гандлю паміж Беларуссю і Рэспублікай Адыгея — павелічэнне ў тры разы. За 2023 год тавараабарот вырас на 20% у адносінах да 2022 года. Пачатак гэтага года таксама паказвае высокую пазітыўную дынаміку па ўзаемадзеянні», — сказаў Алег Жыдкоў.
Паводле яго слоў, Беларусь у Рэспубліку Адыгея экспартуе прадукцыю малочнай прамысловасці, кандытарскія вырабы. «Таксама Беларусь пастаўляе досыць шырокі асартымент прадукцыі нафтахімічнай галіны, машынабудавання — розныя віды сельскагаспадарчай тэхнікі, грузавых аўтамабіляў», — адзначыў старшыня канцэрна.
Дэлегацыя Рэспублікі Адыгея Расійскай Федэрацыі пад кіраўніцтвам намесніка старшыні Кабінета Міністраў Махмуда Тлехаса наведвае Беларусь. Будзе праведзены шэраг сустрэч і перагавораў па вызначэнні перспектыўных напрамкаў супрацоўніцтва ў сферы адукацыі, прамысловасці, сельскай гаспадаркі і інш.
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».