Днямі ў Мінску прадставілі 26 праектаў, якія перамаглі сёлета ў рэспубліканскім конкурсе маладзёжных ініцыятыў. Іх аўтарам уручылі ганаровыя пасведчанні на атрыманне сродкаў для фінансавання і рэалізацыі сваіх ідэй.
Конкурс маладзёжных ініцыятыў ужо другі год афіцыйна выдзяляе фінансавую падтрымку ад дзяржавы. Па пастанове Савета Міністраў № 87 ад 31 студзеня 2023 года «Аб зацвярджэнні Палажэння аб парадку фарміравання, фінансавання і рэалізацыі маладзёжных ініцыятыў», арганізатарам конкурсу ў 2024 годзе стала Міністэрства адукацыі, а правядзенне і каардынацыю ажыццяўляе Беларускі рэспубліканскі саюз моладзі.
«На тое, каб ініцыятывы моладзі былі падтрыманы, выдаткоўваюцца даволі вялікія сродкі, і штогод фінансаванне расце. Так, у гэтым годзе агульная сума грантаў складае 800 тысяч рублёў. Вядома, мы імкнёмся падтрымаць як мага больш праектаў, якія маюць практычны выхад. І вельмі прыемна, што некаторыя пераможцы мінулых двух сезонаў зноў падаюць заяўкі, каб развіць альбо пашырыць свае праекты», — падкрэсліла намеснік міністра адукацыі Кацярына Пятруцкая.
Расказалі пра свае ідэі і 26 пераможцаў новага сезона. Многія з праектаў накіраваны на развіццё творчага і інтэлектуальнага патэнцыялу моладзі, папулярызацыю спорту і здаровага ладу жыцця. Заслугоўваюць увагі праекты па інклюзіўным развіцці, захаванні гісторыка-культурнай спадчыны, ініцыятывы па добраўпарадкаванні населеных пунктаў і пошуку заблукалых і зніклых без вестак.
Ганна Ровіна, фота аўтара
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?